पोखरा, साउन २६
राष्ट्रिय सौन्दर्यकर्मी युनियन नेपाल पोखरा महानगर कमीटीको अध्यक्षमा ज्ञानुकुमारी दर्जी चयन भएकी छन् । युनियनको विहीबार पोखरामा भएको तेस्रो अधिवेसनले दर्जीको अध्यक्षतामा १३ सदस्यीय नया कार्यसमिति चयन गरेको हो ।
समितीको उपाध्यक्षमा गंगादेवी पुन, सचिवमा सृजना घले, सह–सचिवमा मन्दिरा बस्नेत र कोषाध्यक्षमा रमा रानाभाट चयन भएका छन् ।
कार्यक्रममा प्रमुख अतिथि गण्डकी प्रदेश सभा सदश्य मिना गुरुङले सौन्दर्यकर्मीको पेशालाई मर्यादित र व्यवसायिककरण गर्दै लैजानुपर्नेमा जोड दिईन् । उनले लामो समयदेखि सौन्दर्य पेशालाई शैक्षिक कार्यक्रममा समावेश गर्ने आफ्नो सपना अहिले आएर साकार भएको बताईन् । सांसद गुरुङले अव सौन्दर्य विषयको अध्ययनले नया पुस्तालाई आत्मनिर्भर बन्न सजिलो बनाउने दाबी गरिन् ।
सांसद गुरुङले अहिले दश जोड दुईसम्म अध्ययनका लागि अनुमति भएपनि आगामी दिनमा यसलाई स्नातक तहसम्म अध्ययन÷अध्यापन गर्ने वातावरण निर्माण गरिनुपर्नेमा जोड दिईन् ।
युनियनकी गंगादेवी गुरुङ पुनको अध्यक्षतामा भएको कार्यक्रममा जिफन्टका अध्यक्ष रुद्रबहादुर खत्री, गण्डकी सौन्दर्यकर्मी इन्चार्ज संगिता पाण्डे, जिफन्ट केन्द्रिय कमिटी सदस्य पम्फा पहारी, सुमन गुरुङलगायतपनि सहभागि थिए ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखरा, १० साउन ।नेपाल खेलकुद पत्रकार मञ्च गण्डकीले आयोजना गरेको दशौं रारा…
