भजनी । कैलालीका बाढी पीडित क्षेत्रमा डेङ्गुको सङ्क्रमण फैलन नदिन स्थानीय तहले पूर्वतयारी थालेका छन् । अविरल वर्षापछि आएको बाढीका कारण ठाउँठाउँमा पानी जमेमपछि लाम्खुट्टेले लार्भा पार्न सक्ने र त्यसले महामारी फैलिन लिन सक्ने भन्दै स्थानीय तहले पूर्वतयारीको काम थालेका हुन् ।
कैलालीको जानकी गाउँपालिकाले वडाध्यक्षको नेतृत्वमा लामखुट्टेको लार्भा खोजी नष्ट गर्ने काम थालेको छ । गाउँपालिकाका अध्यक्ष गणेश चौधरीले बाढिपछिको चुनौती डेङ्गु बन्न सक्ने खतरा बढेको बताउँदै त्यसको निराकरणका लागि पूर्वतयारी अपनाइएको बताए ।
अध्यक्ष चौधरीले डेङ्गुुको लक्षण देखिएका शङ्कास्पद बिरामीका लागि विशेष उपचार तथा समन्वयको तयारी भइरहेको बताए । उता जोशीपुर गाउँपालिकामा पनि डेङ्ग्ुका सङ्क्रमित बढ्दै जाँदा बाढी र डुवानका कारण सङ्क्रमण झन फैलिनसक्ने भएकाले निराकरणका लागि यसलाई प्राथमिकतामा राखिएको त्यहाँको गाउँपालिकका अध्यक्ष चित्रबहादुर चौधरीले बताए ।
उनले गाउँघरमा पानी जमेका खाल्डाखुल्डी पुर्ने, झारपात मास्ने तथा विषादी छर्ने कामसमेत गर्दै आएको बताउँदै स्वास्थ्यकर्मीको व्यवस्थापनलाई तयारी अवस्थामा राखिएको बताए । बाढीबाट सबैभन्दा बढी पीडित भजनी नगरपालिकामा पनि डेङ्गुकोे जोखिम झन उच्च रहेको छ । यतिबेला सयौँ परिवार सामूहिकरुपमा बस्दै आएका कारण डेङ्गुको सङ्क्रमण उच्च रहेको हो ।
नगरपालिकाले भने सङ्क्रमण फैलिन नदिन विशेष सावधानी अपनाएको स्वस्थ्य शाखा प्रमुख कैलाली चौधरीले बताए । उनले नगरपालिकाले थप कीट खरिदका लागि प्रक्रिया अगाडि बढाइसकेको बताउँदै पूर्वतयारीका साथ स्वास्थ्यकर्मीलाई निर्देशन दिइएको जानकारी दिए ।
स्वस्थ्य कार्यालयका प्रमुख लालबहादुर धामीले बाढिपछि डेङ्गुको सङ्क्रमणको जोखिम उच्च रहेको बताए । उनले सङ्क्रमणको जोखिम बढेको र पालिकालाईसमेत सचेत गराइएको बताउँदै अन्य नियमनकारी निकायसँग पनि समन्वयसमेत हुँदै आएको छ भने । स्वस्थ्य प्रमुख धामीका अनुसार डेङ्गुको सङ्क्रमण जेठदेखि असोजसम्म बढी देखिने गरेको छ । त्यसपछि विस्तारै घट्दै जान्छ । दुई–तीन वर्ष अघिदेखि मात्रै डेङ्गुको सङ्क्रमणबाट बिरामी हुनेको सङ्ख्या बढ्दै गएको छ ।
डेङ्गुु ज्वरो भाइरसका कारण लाग्ने भएकाले यसको कुनै किसिमको विशेष उपचार छैन । अस्पताल पुगेका बिरामीको लक्षणका आधारमा उपचार गरिन्छ । एडिस एजिप्टी र एडिस एल्वोपिक्टस प्रजातिका लामखुट्टेको टोकाइबाट डेङ्गु सार्ने गर्दछ । डेङ्गु सार्ने लामखुट्टे बस्ने गमला, फूलदानी, कुलर, टायरलगायतको पानीमा लार्भा बस्ने भएकाले समय–समयमा पानी फाल्ने गर्नुपर्दछ ।
गमलाको प्लेट, फूलदानी, कुलर र टायरमा जम्मा भएको पानी कम्तीमा हप्तामा एक पटक फेर्ने, पानी जम्मा गर्ने भाँडोलाई लामखुट्टे छिर्न नसक्ने गरी छोप्ने, साँझबिहान घरबाहिर जाँदा लामखुट्टले नटोकोस् भनेर सावधानी अपनाउनु पर्ने जिल्ला स्वस्थ्य कार्यालयका प्रमुख धामी बताउछन ।रासस
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, कात्तिक २५ होटल संघ पोखरा, नेपालको आयोजनामा बुधबार पोखरामा आयोजित…
