पोखरा, पुस १२
पोखराबाट प्रशारण हुने एभरेस्ट एफएफ र एभरेस्ट आवाज डटकमका सम्पादक दीपेन्द्र श्रेष्ठ पूर्व प्रधान सेनापति छत्रमानसिंह गुरुङ तथा श्रीमती कमला गुरुङ पत्रकारिता पुरस्कारबाट सम्मानित भएका छन् । तमू (गुरुङ) सञ्चारकर्मी संघ नेपालले सञ्चालन गर्ने सो पुरस्कारबाट श्रेष्ठ मंगलबार काठमाडौंमा सम्मानित भएका हुन् । कार्यक्रममा श्रेष्ठलाई नगद सहित दोषल्ला र प्रमाणपत्रले सम्मान गरिएको थियो । सम्मानित श्रेष्ठ नेपाल पत्रकार महासंघ कास्कीका निवर्तमान अध्यक्ष हुन् ।
यसअघि दण्ड गुरुङ संयोजकत्व तथा अग्रज पत्रकार शान्ति गुरुड.र बद्रिकाजी गुरुड.सदस्य रहेको पुरस्कार छनौट समितिले श्रेष्ठ लगायत ५ पत्रकारलाई पुरस्कार अर्पण गर्ने निर्णय गरेको थियो ।श्रेष्ठले गैर तमु भएर पनि संचार माध्यमका तर्फबाट तमु समुदायको समृद्धिमा पुर्याएको योगदानको उच्च कदर गर्दै सम्मान गरेको तमू सञ्चारकर्मी संघले जनाएको छ ।
त्यस्तै पोखराकै अर्का पत्रकार कान्तिपुर टेलिभिजनका भुपाल गुरुड.पूर्बप्रधान सेनापति छत्रमानसिंह गुरूड.तथा श्रीमती कमला गुरुड.पत्रकारिता पुरस्कारबाट,ताप्लेजुड.का पत्रकार देवराज गुरुड.लक्ष्मी गुरुड.पत्रकारिता पुरस्कारबाट,चितवनकी पत्रकार गीता गुरुड.सुश्री भद्रकुमारी घले प्रोत्साहन पत्रकारिता पुरस्कारबाट र लमजुड.का पत्रकार धनध्वज गुरुड. तमु पत्रकारिता पुरस्कारबाट सम्मानित भएका छन् ।
तमु ल्होछारको अवसर पारि आयोजित तथा तमु संचारकर्मी संघका अध्यक्ष रबिन गुरुड.को अध्यक्षतामा सम्पन्न कार्यक्रममा प्रमुख अतिथि आदिवासी जनजाती आयोगका सदस्य सूर्यबहादुर गुरुड.र पुरस्कारका दाताहरुले पुरस्कार अर्पण गरेका थिए ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, कात्तिक ११ कास्कीको माछापुच्छ«े गाउँपालिकामा पाँच जना मिलेर साथीको हत्या…
