पोखरा, पुस २२
भुटनिज युथ स्पोर्टस् क्लब (बीवाईएससी) यूएसएपनि पोखरामा जारी २२ औं आहा ! रारा पोखरा गोल्डकपको फाइनलमा प्रवेश गरेको छ । पोखरा रंगशालामा बिहीबार भएको दोस्रो सेमिफाइनलमा आहा ! रारा गोल्डकपमा पहिलो पटक सहभागिता भएको भुटनिज युथ स्पोर्टस् क्लबले चर्च ब्वाइज क्लबमाथि १–० को कठीन जित हात पार्दै फाइनल भिडन्त पक्का गरेको हो । अब उपाधिका लागि भुटनिज युथ स्पोर्टस् क्लबले अर्को फाइनलिस्ट संकटा क्लबसँग शनिबार प्रतिष्पर्धा गर्नेछ । उपाधि भिडन्त पक्का गरेका दुबै टोली पहिलो पटक फाइनलमा पुगेका हुन् ।
कडा प्रतिष्पर्धा भएको खेलको निर्णायक गोल भुटनिज युथ स्पोर्टस् क्लबका लागि रोजिन प्रजापतीले गरेका थिए । उनले पहिलो हाफको अतिरिक्त समयमा गोलको खडेरी तोड्दै जाली चुमाएका थिए । प्रविन बस्नेतले मैदानको बायाँ साईडबाट निकालिएको पासलाई हेडर गोल गरेका हुन् ।
पहिलो हाफमा निरीह देखिएको चर्च व्वाईज युथ क्लबले दोश्रो हाफमा भने खेलमा फर्किने कोशिष ग¥यो । पहिलो हाफको रक्षात्मक रणनीति अप्नाएर काउण्टर अट्याकमार्फत गोल गर्ने चर्च ब्वाइजको प्रयास असफल भएपछि दोश्रो हाफमा आक्रामक रणनीतिमा उत्रियो । जसको फलस्वरुप केहि अवसर सिर्जनापनि ग¥यो तर गोलमा परिणत नभएपछि सेमीफाइनलबाटै घर फर्किन बाध्य भयो ।
खेलको ८३ औं मिनेटमा चर्च ब्वाइजका खेलाडी आशिष चौधरी रातो कार्ड खाँदै मैदानबाट बाहिरिएका थिए । त्यसपछि १० खेलाडीमा सिमित भएको चर्चव्वाईजबिरुद्ध भुटनिज युथ स्पोर्टस् क्लबले फाइदा भने लिन सकेन ।
विहीबारको खेलमा निर्णायक गोल गरेका भुटनिज युथ स्पोर्टस् क्लबका रोजिन प्रजापति म्यान अफ दि म्याच घोषित भए ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, कात्तिक ११ कास्कीको माछापुच्छ«े गाउँपालिकामा पाँच जना मिलेर साथीको हत्या…
