पोखरा, फागुन २०
कृषि विकास बैंक, कर्मचारी संघ नेपाल गण्डकी प्रदेशको अध्यक्षमा पुनः सन्तोष थापा दोहोरिएका छन् । संघको पोखरामा शनिबार भएको ११ औं प्रदेश अधिवेशनले थापालाई पुनः अध्यक्षमा चयन गरेको हो ।
संघको उपाध्यक्षमा भीमबहादुर थापा, सचिवमा सुमन सुवेदी, सहसचिवमा सुनिल ढेवाजु र कोषाध्यक्षमा सन्दीप अधिकारी चयन भएका छन् ।
संघको सदस्यहरुमा यमप्रसाद भुषाल, डोलराज गैह्रे, सरस्वती पाण्डे, सन्दीप अधिकारी, सिता पाण्डे, रामचन्द्र अधिकारी, बिजय पौडेल र कुशल तिवारी चयन भएका छन् ।
यसअघि अधिवेशनको नेकपा एमालेका पोलिट्ब्यूरो सदस्य तथा पूर्व युवा तथा खेलकुद मन्त्री जगतबहादुर विश्वकर्माले उद्घाटन गरेका थिए । उद्घाटनमा बोल्दै उनले अहिले राष्ट्रियता र स्वाधिनताका पक्षधरहरुलाई राष्ट्रिय अन्र्तराष्ट्रिय शक्तिले घेराबन्दी गरिरहेको आरोप लगाए । उनले भने,‘एमालेबिरुद्ध राष्ट्रिय, अन्र्तराष्ट्रिय षडयन्त्रहरु भईरहेका छन् । घेराबन्दी गरिरहेका छन् ।’ उनले अहिले देश निर्माणमा जुटेको एमाले र कर्मचारीले असुरक्षित महशुष गरिरहेको बताए । तर कस्तो खालको असुरक्षा महशुष गरिरहेका छन् भन्नेबारेमाभने उनले केहिपनि खुलाएनन् ।
पूर्व मन्त्रीसमेत रहेका विश्वकर्माले नेकपा एमालेले अघि सारेको समृद्ध नेपाल, सुखी नेपालीको संकल्प पूरा गर्न पार्टी निकट कर्मचारीहरुलाई निर्देशन दिए । सुशासन, विकास र समृद्धिको अभिभारा तपाईं हामी एकजुट भयौं भनेमात्र सम्भव छ,उनले भने,‘तर सुशासन, विकास र समृद्धिको बाधकका रुपमा भ्रष्टाचार र अस्थिरता आएको छ । यसको अन्त्यका लागि तपाईं कर्मचारीहरुलेपनि भूमिका खेल्नुपर्छ ।’
विश्वकर्माले कर्मचारी संगठनका नेताहरुलाई आफ्नो व्यक्तिगत फाईदा भन्दा संगठन र पार्टीको हितका बारेमा सोंच्न आग्रह गरे । ‘संगठनको नेताले व्यक्तिगत फाईदा, नाफा वा लाभ हेर्ने होईन । संगठन र पार्टीको लक्ष्य, उद्देश्य अनुसार सिंगो देशको, जनताको भाग्य र भविष्य कोर्न भूमिका खेल्नुपर्छ’–उनले भने ।
कार्यक्रममा बोल्दै पेशागत महासंघ गण्डकी प्रदेश अध्यक्ष महेन्द्र रिमालले कर्मचारीहरुलाई पेशागत मर्यादा कायम राख्दै काममा व्यवसायीकता देखाउन आग्रह गरे ।
कृषि विकास बैंक गण्डकी प्रदेश कार्यालयका निर्देशक प्रकाश कँडेलले कर्मचारीको सहयोगमा नै बैंक सफल हुने भएकाले हातेमालो गरेर अघि बढ्नुपर्ने बताए । त्यसका लागि आफू र आफ्नो टिमले सँधै सकारात्मकताका साथ काम गरिरहेको बताए ।
कृषि विकास बैंक कर्मचारी संघका केन्द्रीय सल्लाहकार महेश पौडेलले कर्मचारीको हक, हितसँगै बैंकलाई अब्बल बनाएर सेवाग्राहीलाई सेवा गर्नु नै संगठनको उद्देश्य रहेको प्रष्ट्याए ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, कात्तिक ११ कास्कीको माछापुच्छ«े गाउँपालिकामा पाँच जना मिलेर साथीको हत्या…
