मुस्ताङको आलुको बिउ संरक्षण गरि खेती बिस्तार गर्न सरकारले सघाउने

सरकारले गण्डकी प्रदेशमा उत्पादन हुने मुस्ताङको आलुको बिउ संरक्षण गरी खेती बिस्तार गर्न सघाउने भएको छ । सरकारका अर्थमन्त्री डा.प्रकाशशरण महतले सोमबार आर्थिक वर्ष २०८०÷८१ को बजेट प्रस्तुत गर्दै रैथानेमा गर्व गरौं भन्ने नाराका साथ मुस्ताङको आलुसहित जुम्लाको मार्सी धान, पाल्पा र सल्यानको अदुवा र गुल्मीको कफीलगायत विभिन्न रैथाने तथा परम्परागत बालीको बिउ संरक्षण गरी खेती बिस्तार गर्न सघाउने घोषणा गरेका हुन् ।

त्यस्तै, अर्थमन्त्री डा.महतले कर्णाली प्रदेशलगायत विभिन्न स्थानमा उत्पादन हुने मार्सी धान, कागुलो, कोदो, फापर, जौं, लट्टे, सिमीलगायतका रैथाने बालीको उत्पादन तथा खाद्य व्यापार कम्पनी मार्फत खरिद गर्ने घोषणा गरे ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।