माछापुच्छ्रे गाउँपालिका वडा ४, वडा कार्यालयले वुधवार आ.व ०८०/८१ को योजना तर्जुमा विशेष अन्तरक्रिय कार्यक्रम गरेको छ । उक्त अवसरमा आ.व ७९/८० मा सञ्चालित वार्षिक योजनाहरुको पनि समिक्षा गरिएको थियो ।
योजनाको प्राथमिकीकरणका आधारमा अल्प, मध्य र दीर्घकालिन योजना पहिचान गरि विषयगत वडा स्तरीय विज्ञ समुहको सहकार्यमा वडाको योजना अगि बडने अध्यक्ष मधुसुधन अधिकारीले जानकारी दिए । पालिकाबाट वडाका लागि गत आ.वमा ८० लाख बजेट बिनियोजन भएकोमा यस आ.वमा मात्र ५३ लाख बिनियोजन भएको बताए ।
कार्यक्रमका बीच नेपाली कांग्रेसका वडा सभापति रामचन्द्र अधिकारी, नेकपा एमालेका वडा अध्यक्ष टेक बहादुर श्रेष्ठ, रा.प्र.पा वडा अध्यक्ष विजय अधिकारी, रा.स्व.पा वडा अध्यक्ष भुपेन्द्र कुंवर, साथै अन्य पाटीका प्रमुख प्रतिनिधि, साथै बिभिन्न टोल विकास संस्थाका अध्यक्षहरु ,क्लबका अध्यक्ष ,शिक्षा, स्वास्थ्य ,खानेपानी एंव अन्य संघ संस्थाका प्रतिनिधिहरुले प्रतिनिधित्वमुलक कार्यपत्र प्रस्तुत गरेका थिए ।
जसअन्र्तगत वडा सिमाना, मर्दी सेतीको संरक्षण , सार्वजनिक जग्गाको खोजि एवं संरक्षण ,लाहाचोक पुरन्चौर जोडने मोटरपुलको निर्माण , उच्च शिक्षा विकासका लागि बिद्यालयहरुमा स्वरोजगार प्राविधिक शिक्षालय ,पालिका हस्पिटल, एक पालिका एक खेलग्राम अन्र्तगतको महेन्द्र मा.वि खेलमैदान, मर्दि रिर्भर पार्क, लाहाचोक अर्मला खुमै पैदलमार्ग ,अर्मला प्याराग्लाईडिङ्ग हब, पातिखोला गुफा, बानेटाकुरा मन्दिर प्रबर्द्धन ,कृषिउपज संकलन केन्द्र , चोक चोकमा सडक वत्ती, मर्दिपुल प्रवेश गेट संगै एक्पोलर लाहाचोक डिजिटल होडिङ वोर्ड,फोहोर व्यवस्थापन, लगायतका योजना निर्माण गर्नुपर्ने कार्यक्रमका वक्ताहरुको जोड रहेको छ ।
कार्यक्रमको अनत्यमा वडाध्यक्ष अधिकारीले समृद्ध लाहाचोक निर्माणका लागि सरोकारवाला सबैसंग हातेमालो गर्न वडा सधै तयार रहेको स्पष्ट पारे ।
वडाध्यक्ष अधिकारीको अध्यक्षतामा भएको कार्यक्रमको संचालन भुवदेव अधिकारीले गरेका थिए ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, कात्तिक २५ होटल संघ पोखरा, नेपालको आयोजनामा बुधबार पोखरामा आयोजित…
