नेकपा एमालेका स्थायी कमिटी सदस्य खगराज अधिकारीले वर्तमान सरकार पाँच वर्ष नै टिक्ने हो भने छिमेकी देशका सेनाले नेपाली आमाको छातीमा परेड खेल्ने सम्भावना रहेको दाबी गरेका छन् । नेकपा एमाले कास्कीले गरेको संकल्प यात्रा अन्तर्गत कास्कीमा हुने कार्यक्रमबारे जानकारी गराउन मंगलबार पोखरामा आयोजना गरेको पत्रकार भेटघाट कार्यक्रममा बोल्दै अधिकारीले भने,‘पाँचै वर्ष यो सरकार जाने हो भने त लिम्पीयाधुरा, लिपुलेक र कालापानी क्षेत्रमा छिमेकीका सेनाले परेड खेल्ने मात्र होईन । हाम्री आमाको छातीमा धेरै परेड खेल्ने सम्भावना छ ।’ उनले यो अवस्थालाई बुझेरै एमालेले संकल्प यात्रा अगाडि बढाएको बताए ।
अधिकारीले दुर्गा प्रसाईं र उनको समूहले संविधान विरोधी काम गरिरहँदा सरकारले प्रतिवाद नगरेको आरोप लगाए । संविधान र व्यवस्था जोगाउन एमालेले अगुवाई गरिरहेको बताउँदै उनले अगाडि भने,‘दुर्गा प्रसाईं र उनको समूहले सिंगो व्यवस्थालाई सामाजिक अराजकतामा परिणत गराएर अस्तव्यस्त सिर्जना गरेर धमिलो पानीमा माछा मार्ने प्रयास गरिरहेका छन् । तर यो समूहले संविधान विरोधी काम गरिरहँदा सरकारको तर्फबाट कुनै प्रतिवाद भएन । यसबाट प्रष्ट हुन्छ को हो संविधानको लागि लड्ने, संविधान जोगाउने ।’
अधिकारीले सरकार बदलिने वा मन्त्री परिषद फेरिनेमा एमालेको चासो र रुची दुबै नभएको बताए । उनले वर्तमान सरकारबाट सर्वहारा तथा श्रमजिवी वर्गको हित नहुने दाबीसमेत गरे ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, असोज १५ फ्लाई दुबईले पोखरा–दुबई उडान शुरु गरेसँगै पोखरेली पर्यटन…
