पोखरा, पुस १८
सामाजिक सञ्जाल फेसबुकमा नक्कली फेसबुक आईडी बनाएर अश्लिल सामग्री बनाई पैसा माग्ने तीन जनालाई कास्की प्रहरीले पक्राउ गरेको छ । फेसबुकमा केटीको नाममा नक्कली फेसबुक आईडी बनाएर पुरुषहरुलाई भिडियो कल गरेर अश्लील भिडियो देखाउने र त्यसलाई स्क्रिन सर्ट गरेर राखी पछि सो व्यक्तिलाई पैसा माग्ने तीन जनालाई कास्की प्रहरीले पोखराबाट पक्राउ गरेको हो ।
पक्राउ पर्नेमा पोखरा–२९ तालचोक बस्ने २२ वर्षिय अनुराग अधिकारी, चितवनको रत्ननगर–१३ टाँडीका २० वर्षिय प्रवेश रिमाल र सिराहाको लाहान–१ रमाद मटियवरा टोलका २१ वर्षिय यूनिक सिंहलाई प्रहरीले पक्राउ गरेको हो ।
उनीहरुले भिडियो कलमा देखाइएको अश्लील सामग्री स्क्रिन सर्ट गरेर सोहि व्यक्तिलाई पठाई पैसा माग्ने गरेको कास्कीका प्रहरी प्रवक्ता प्रहरी नायव उपरीक्षक श्रवणकुमार विकले जानकारी दिए । मागेको पैसा नदिए उक्त अश्लिल सामग्री फेसवुक वालमा राखेर सार्वजनिक गरिदिने धाक, धम्कीसमेत दिने गरेको पीडितले दिएको जाहेरीमा उल्लेख रहेको डिएसपी विकले बताए ।
पक्राउ परेकाहरुलाई ठगी, आपराधीक विश्वासघात तथा आपराधिक विश्वासघात तथा आपराधिक लाभ –एक्सटर्सन) सम्बन्धी कसुर र विद्युतीय अपराध सम्बन्धी कसुरमा अनुसन्धान प्रक्रिया अगाडि बढाइएको डिएसपी विकले जानकारी दिए ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, कात्तिक ११ कास्कीको माछापुच्छ«े गाउँपालिकामा पाँच जना मिलेर साथीको हत्या…
