रविमाथि अनुसन्धानका लागि पुन: १३ दिन म्याद थप

पोखरा, कात्तिक २५

राष्ट्रिय स्वतन्त्र पार्टी (रास्वपा) सभापती तथा पूर्व गृहमन्त्रीसमेत रहेका रवि लामिछानेमाथि अनुसन्धान गर्न १३ दिन म्याद थपिएको छ । सहकारी ठगी प्रकरणमा पक्राउ परेका रविलाई थप १३ दिन हिरासतमै राखेर अनुसन्धान गर्न अदालतले आईतबार अनुमति दिएको हो । रविलाई हिरासतमै राखेर अनुसन्धान गर्न अदालतले अनुमति दिएको यो चौथो पटक हो ।

यसअघि कात्तिक २ गते पक्राउ परेका उनलाई कात्तिक ४ गते पहिलो पटक ६ दिन, कात्तिक ८ गते ७ दिन र कात्तिक २० गते कात्तिक १५ गतेबाट लागु हुनेगरी १० दिन म्याद थप गरेको थियो ।

कात्तिक २० गते थपिएको म्याद सकिएपछि आईतबार रविलाई अदालतमा उपस्थित गराइएको थियो । आईतबार न्यायाधीस नवराज दाहालको ईजलाशले १३ दिन म्याद थप गर्न आदेश दिएको अदालत श्रोतले जानकारी दिएको छ ।

लामिछानेमाथि सहकारी ठगीसँगै संगठित अपराध र सम्पती शुद्धिकरण सम्बन्धी मुद्धामा अनुसन्धान भइरहेको छ । उनले जिवी राईसँग मिलेर पोखराको सूर्यदर्शन सहकारीको रकम गोर्खा मिडिया नेटवर्कमा लगेर अपचलन गरेको आरोप लागेको छ । उनीसँगै गोर्खा मिडियाका पूर्व सञ्चालक छविलाल जोशी, जिवी राईका साझेदार नेचर हब्र्स प्रालिका सञ्चालक रामकुमार खनाल र लीला पछाईलाई अनुसन्धानका लागि म्याद थप गरिएको छ । जिवी राई भने अझै फरार छन् ।

यसैबीच, रविलाई अदालतमा उपस्थित गराउने दिन आईतबारपनि राष्ट्रिय स्वतन्त्र पार्टी (रास्वपा)ले आन्दोलन जारी राख्यो । रविलाई रिहा गर्न दवाब दिने उद्देश्यले हरेक दिन विरोध प्रदर्शन गर्दै आएको रास्वपाले आईतबारपनि आन्दोलनका कार्यक्रमलाई जारी राखेको हो । अदालत उपस्थित गराउने दिन अदालत नजिकैको क्षेत्र वाईचोकमा विरोध प्रदर्शन गर्दै आएको रास्वपाले आइतबार भने सो ठाउँ छाडेर पोखराको चिप्लेढुंगास्थित मानव अधिकारचोकमा कार्यक्रम ग¥यो । वाईचोकबाट सहिदचोकसम्म निशेधित क्षेत्र घोषणा भएकाले त्यहाँ कार्यक्रमहुँदा हरेकपटक झडपको स्थिति बनेकाले आइतबार रास्वपाले सो ठाउँ छाडेर मानव अधिकारचोक रोजेको पार्टी निकट श्रोतले जनाएको छ ।

विरोध प्रदर्शनलाई सम्बोधन गर्दै रास्वपा उप–सभापती डिपी अर्यालले रवि लामिछाने जिउँदो रहेसम्म रास्वपाको सभापती रहिरहने घोषणा गरे । रविको विकल्पबारे बहस चलिरहेका बेला आईतबार उनले भने,‘रवि जेलमा होस् वा बाहिर, जहाँ जिउँदो रहेसम्म रास्वपाको सभापती नै हो । कार्यवाहक कसले पाउँछ वा पाउँदैन गौण कुरा हो ।’ हिरासत वा जेलमै रहेर पार्टी सञ्चालन गरेको उदाहरण संसारमा धेरै रहेको उनको दाबी थियो ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।