पोखरामा सोलार पोलमा मोटरसाइकल ठोक्किएर दुई युवाको मृत्यू

प्रतिकात्मक तस्विर

पोखरा, माघ २७

पोखरामा आज विहान सोलार पोलमा ठोक्किएर दुई जना युवाको ज्यान गएको छ । पोखरा महानगरपालिका वडा नम्बर–६ लेकसाईडमा सोलार पोलमा मोटरसाइकल ठोक्किदा मोटरसाइकल चालक र मोटरसाइकलको पछाडि बसेका दुई युवाको मृत्यू भएको हो ।

मृत्यू हुनेमा मोटरसाइकल चालक पोखरा–२४ कास्कीकोटका २१ वर्षीय सफल रानाभाट र त्यसैमा सवार पोखरा–८, सिमलचौरका २० वर्षीय सुजल अधिकारी रहेका छन् ।

शनिबार मध्यरात १ बजे लेकसाइडबाट सहिदचोकतर्फ आउँदै गरेको ग.१३प. ६७१९ नम्बरको मोटरसाइकल अनियन्त्रित भई लेकसाईडको स्ट्रीट नम्बर ३ स्थित सडक छेउको सोलार पोलमा ठोक्किएर दुर्घटनामा परेको थियो । दुर्घटनामा परेर गम्भीर घाइते भएका उनीहरुलाई तत्कालै उद्धार गरेर उपचारका लागि गण्डकी मेडिकल कलेज लगिएपनि चिकित्सकले मृत घोषणा गरेको कास्की प्रहरीले जनाएको छ ।

दुर्घटनामा परेको सवारी साधन प्रहरीले नियन्त्रणमा लिएको छ । घटनाको थप अनुसन्धान भइरहेको कास्की प्रहरीको भनाई छ ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।