पोखरा महानगर टि–२० क्रिकेट प्रतियोगितामा कास्कीको दाश्रो जित

फागुन २२ पोखरा । पोखरा महानगरपालिका दोश्रो अन्तर क्लव पुरुष टि–२० क्रिकेट प्रतियोतिगामा कास्की क्रिकेट क्लवले दोश्रो जित दर्ता गरेको छ । पोखरा महानगरपालिका शिक्षा महाशाखाको आयोजना तथा पोखरा महानगरपालिका क्रिकेट संघको संयोजन तथा व्यवस्थापनमा भइरहेको प्रतियोगिता अन्र्तगत बिहीबार भएको खेलमा कास्कीले गण्डकी क्रिकेट क्लवलाई २६ रनले पराजित गर्दै दोश्रो जित दर्ता गरेको हो ।

टस जितेर पहिले ब्याटिङ गरेको कास्कीले निर्धारित २० ओभरमा ७ विकेट गुमाएर २०५ रन बनाएको थियो । कास्कीका लागि विश्वास पराजुलीले ४१ बलमा ६७ रन र आदित्य थापाले १६ बलमा २७ रनको योगदान दिए ।

२०६ रनको विशाल लक्ष्य पछ्याएको गण्डकी निर्धारित २० ओभर सकिँदा ३ विकेट गुमाएर केवल १७९ रनमा समेटियो । उत्कृष्ट शुरुवात गरेको गण्डकीकालागि ओपनिङ पार्टनर सुरज अधिकारी र भुवन भट्टराईले १३८ रनको विशाल साझेदारी गरेपनि हार टार्न सकेन् । सुरजले ४४ बलमा ६२ रन र भुवन भट्टराईले ४१ ब्लमा ५६ रन बनाए ।

बिहीबारको खेलमा विश्वास पराजुली प्लेयर अफ दि म्याच घोषित भए ।

प्रतियोगिता अन्र्तगत शुक्रबार पहिलो खेलमा लेखनाथ युथ क्रिकेट क्लव र पोखरा क्रिकेट क्लव तथा दोश्रो खेलमा गण्डकी स्पोर्टस् क्लव र अरण्यज्योति क्रिकेट क्लव प्रतिस्पर्धामा उत्रिनेछन् ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।