पोखरा । नेपालको एकमात्र कविता गाउँ लुम्ले कविता गाउँ समितिले यही चैत्र १५ गते खुला कविता प्रतियोगिता सञ्चालन गर्ने भएको छ ।
समितिले कविता गाउँ घोषणाको १७ औं स्थापना दिवसमा अन्नपूर्ण पालिकाव्यापी मा.वि.स्तरीय कवितावाचन प्रतियोगिता आयोजना गर्न लागेको समितिका अध्यक्ष भरत देवकोटाले जानकारी दिए ।
समितिले हरेक चैत्र १५ गते विशेष समारोहका साथ मनाउँदै आएकोमा यसपटक कवितावाचन प्रतियोगिता सञ्चालन गर्न लागेको हो ।
समितिको आयोजना, अन्नपूर्ण गाउँपालिकाको सहकार्य र गण्डकी प्रज्ञा–प्रतिष्ठानको पर्वद्धनमा हुन लागेको प्रतियोगिताका सहभागीलाई आकर्षक नगद पुरस्कारसहित सोही दिन भव्य समारोहबीच पुरस्कृत गरिने समितिका सचिव सुवास गुरुङ बताउँछन् ।
प्रतियोगितामा प्रथम, द्वितीय, तृतीय र सान्त्वना हुनेलाई क्रमशः १० हजार, सात हजार, पाँच हजार, तीन हजार नगदसहित प्रमाणपत्र र पुरस्कार रहेको छ ।
समितिले उक्त प्रतियोगितालाई भव्यरूपमा सम्पन्न गर्न पालिकावासी आमा, बुबा, दाजुभाइ दिदीबहिनी, समितिका पदाधिकारी, पूर्व पदाधिकारी तथा संस्थाका शुभेच्छुक, शुभचिन्तकलाई विभिन्न उपसमितिको जिम्मेवारीमा खटाएको समितिले जनाएको छ ।
साथै प्रतियोगितामा सहभागिताका लागि चैत्र १४ गते बेलुका ५ बजेसम्म आयोजक समक्ष कविता, विद्यालय र सहभागीको नाम दर्ता गराइसक्नुपर्ने संस्थाका उपाध्यक्ष सन्तमाया गौचनले जानकारी दिइन् ।
यसैगरी, समाजसेवी चिनबहादुर केसीद्वारा संस्थालाई दान प्राप्त चार आना दुई पैसा एक दाम जग्गामा कविता पार्क लुम्ले निर्माण प्रक्रिया अगाडि बढाएको संस्थाका संरक्षक विश्वमोहन गौचन बताउँछन् ।
पार्क निर्माणका लागि संस्थाले विभिन्न उपसमिति गठन गरी अर्थ संकलन प्रस्तावनासहित जग्गाको नक्साङ्कन प्रक्रिया अगाडि बढाई सकेको जनाइएको छ ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
राष्ट्रिय स्वतन्त्र पार्टी रास्वपाको प्रथम महाधिवेशन सुरु भएको छ । भरतपुरको ‘गेष्टहाउस’…
