राष्ट्रिय युवा सङ्घको दशौं महाधिवेशन जेठ ९–११ गतेसम्म पोखरामा हुने

सीता परियार पोखरा, २३ वैशाख

राष्ट्रिय युवा सङ्घ नेपालको दशौं राष्ट्रिय महाधिवेशन आगामी जेठको दोश्रो साता पोखरामा हुने भएको छ । संघले आज पोखरामा पत्रकार सम्मेलन गरेर संघको महाधिवेशन आगामी जेठ ९ गतेदेखि ११ गतेसम्म पोखरामा गर्न लागेको जानकारी दिएको हो । महाधिवेशनको तयारी शुरु भइसकेको संघका अध्यक्ष अध्यक्ष क्षितिज थेबेले जानकारी दिए।

अध्यक्ष थेबेले महाधिवेशन नेपालका युवाहरूको सशक्तिकरण, संगठनको भविष्यको कार्यदिशा तय गर्नका लागि महत्वपूर्ण हुने बताए । महाधिवेशनमा देशका ७७ जिल्लाकै प्रतिनिधि, युवा अगुवा तथा विशिष्ट व्यक्तिहरूको सहभागिता रहने उनले जानकारी दिए ।

महाधिवेशनले नया नेतृत्व चयन गर्नुका साथै संगठनको विधान, नीति र कार्यक्रमहरूका बारेमा समीक्षा र संशोधन गर्ने जनाइएको छ । साथै महाधिवेशनमा आगामी दिनमा युवा अभियान सञ्चालनबारे छलफल हुने अध्यक्ष थेबेले बताए। साथै राष्ट्रिय तथा अन्तर्राष्ट्रिय परिवेशमा युवाहरूको भूमिका, रोजगारी सृजना, नेतृत्व विकास, नवप्रवर्तन र उद्यमशीलता प्रवर्द्धनका विषयमा समेत छलफल हुने उनको भनाई छ ।

महाधिवेशनका लागि सङ्घले प्रतिनिधि चयन गरिसकेको जनाएको छ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।