पोखरा
डेब्यु निर्देशक सन्तोष कुमार आत्रेयको निर्देशनमा चलचित्र ‘शिवांशस् च्याप्टर १’ को छायांकन अन्तिम चरणमा पुगेको छ।
पोखरा वरपरका प्रमुख पर्यटकिय तथा धार्मिक स्थलहरूमा चलचित्रको छायांकन भइरहेको र अहिलेसम्म ७० प्रतिशत छायांकन सकिएको निर्देशक सन्तोष कुमार आत्रेयले जानकारी दिए । चलचित्र छायांकनका लागि ४५ जनाको टोली यतिबेला पोखरामा रहेको छ ।भगवान शिवको एक अंश अहिलेको शताब्दीमा पनि उत्तिकै सान्दर्भिक रहेको विषय वस्तुलाई चलचित्रमा कलात्मक रूपले प्रस्तुत गरिएको निर्देशक आत्रेयले बताए । फिल्ममा समाज वरिपरि कै कथा र त्यस बिचमा हुने शक्ति संघर्षमा आधारित रहेको भएपनि थप कथावस्तु बारे निर्माणपक्षले खुलाएको छैन्।
अञ्जान सिनेमा प्रोडक्सन हाउसको ब्यानरमा निर्माण भएको चलचित्रमा प्रवीण खतिवडा, तेज गिरी र रूषा न्यौपानेले मुख्य भूमिका निर्वाह गरेका छन् भने विकास जोशी, विमला लिम्बु, प्रदीप कुमार चौधरी, सबिर चुरौटे, उदय कुमार सुब्बा, टिका निरौला लगायत अन्य कलाकारले पनि अभिनय गरेका छन्। चलचित्रमा थियटर कलाकारको वर्चस्व रहेको छ । निर्माता अञ्जान केसीले चलचित्रको कथा तयार गतेका हुन् । करिव ७ वर्षको मेहनतलाई पर्दामा उतारेको उनले बताए ।पटकथा भने बारत लिम्बुको छ ।
यो चलचित्रबाट आत्रेयले निर्देशनमा डेब्यु गरेका हुन्।यस अघि उनले नेपाली चलचित्र धौली र हुक्काको स्टोरी, स्क्रिन प्ले राइटरको रूपमा काम गरि सकेका छन् । न्ह्यू बज्राचार्य र राजनराज शिवाकोटीको संगीत रहेको फिल्ममा राजनराज शिवाकोटी र विप्लव प्रतीकले गित लेखेका छन्। स्वरमा भने राजनराज शिवाकोटी, मिलन नेवार र समीक्षा अधिकारीको रहेको निर्माता केसीले जानकारी दिए। फिल्ममा मिलन श्रेष्ठको द्वन्द्व निर्देशन, विक्रम चौहानको नृत्य निर्देशन, सरद महतोको सिनेम्याट्रोग्राफी रहेको छ भने चलचित्रको कार्यकारी निर्माता सम्भु थापा हुन् । चलचित्र निर्माणको लागत करिव ३ करोड हुने बताईएको छ।
चाडपर्वको छेको पारेर आगामी असोज २४ गतेबाट देशभर प्रदर्शनमा आउने ुशिवांशस् च्याप्टर १ु लाई डि सि एनले वितरणको जिम्मा लिएको छ ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखरा, ३ साउन गण्डकी प्रदेशका प्रमुख डिल्लीराज भट्टले गण्डकी प्रदेश कला, साहित्य,…
