पोखरा, २२ असार ।
स्वामीनारायण सम्प्रदायका वरिष्ठ प्रतिनिधिहरूको एक ऐतिहासिक टोलीले हालै पोखरा भ्रमण सम्पन्न गरेको छ। पोखरामा प्रस्तावित अक्षरधाम स्थापनाको सन्दर्भमा उक्त भ्रमणलाई प्रेरणादायी र महत्वपूर्ण छलफलले थप अर्थपूर्ण बनाएको छ।
स्वामीनारायण सम्प्रदायका प्रतिनिधिहरू—पुज्य महोपाध्याय साधु भद्रेशदास स्वामी, पुज्य आत्मतृप्तदास स्वामी तथा पुज्य निर्दोष योगी स्वामीज्यूहरूको स्वागत पोखरा महानगर प्रमुख धनराज आचार्यले गरेका थिए । सो अवसरमा धार्मिक, सांस्कृतिक र भावनात्मक रूपमा अत्यन्त महत्वपूर्ण विषयहरूमा गहन संवाद भएको थियो।
नगर प्रमुख आचार्यले भने, “स्वामीनारायण सम्प्रदायका प्रमुख पूज्य **महन्त स्वामी महाराजज्यूहरूसँग प्रत्यक्ष साक्षात्कार गरी बाँकी प्रक्रिया अगाडि बढाउने साझा प्रतिबद्धता स्थापित भएको छ।”
अक्षरधामको परिकल्पना केवल भौतिक संरचना मात्र नभई संस्कार, संस्कृति र आध्यात्मिकताको संगम हो भन्ने विषयमा सर्वसम्मत धारणा बनाइएको थियो। ऐतिहासिक विवरणअनुसार, भगवान स्वामीनारायणले पोखरा–१ स्थित गाईघाटमा केही समय बिताउँदै मुक्तिनाथ क्षेत्रतर्फ अष्टाङ्ग योगसहित तीन वर्षको गहन तपस्या गरी ज्ञानप्राप्ति गरेका थिए। त्यसपछि पोखरामार्ग हुँदै भारतको गुजरात प्रस्थान गरेका थिए।
“यस प्रसङ्गले पोखरा र स्वामीनारायण सम्प्रदायबीचको गहिरो भावनात्मक सम्बन्धलाई झल्काउँछ,” आचार्यले बताए। पोखरामा अक्षरधाम स्थापनाको प्रस्ताव त्यसै सम्बन्धको निरन्तरता र भविष्य निर्माणको प्रयासको रूपमा अघि सारिएको हो।
सात सदस्यीय प्रतिनिधिमण्डलको पोखरा भ्रमण सफल बनाउन समर्पित रहनुहुने स्वामीनारायण नेपाल समन्वय समितिप्रति नगर प्रमुख आचार्यले विशेष आभार व्यक्त गरे।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखरा, ३ साउन गण्डकी प्रदेशका प्रमुख डिल्लीराज भट्टले गण्डकी प्रदेश कला, साहित्य,…
