पोखरा, भदौ २७
नेपाली काँग्रेस कास्कीले संविधानको रक्षार्थ एकजुट हुन कार्यकर्ता तथा शुभचिन्तकहरुलाई अपिल गरेको छ । भ्रष्टाचारबिरुद्द जेनजीले थालेको आन्दोलनले सफलता पाएर सरकार निर्माणमा जुटेको छ । नेपाली सेनाको अगुवाईमा जेनजीसँग भईरहेको वार्तामा सुशीला कार्कीलाई प्रधानमन्त्री बनाउने सहमती नजिक पुगेको छ । तर राजनीतिक दलहरुले भने संविधान बाहिर गएर सरकार गठन नगर्न चेतावनी दिदै आएका छन् । यहि सेरोफेरोमा छलफल चलिरहेका बेला बसेको कास्की कांग्रेस बैठकले संविधान रक्षाका लागि एकजुट हुन अपिल गर्ने निर्णय गरेको कास्की कांग्रेसका प्रवक्ता नवीन सिग्देलले जानकारी दिए । बैठकले कांग्रेस संगठीत सदस्यहरुलाई विचलित नहुन पनि आग्रह गरेको उनले बताए । सरकार गठन संविधानसम्मत हुनुपर्छ, बैठकपछि उनले भने,यो बाहिर गएर सरकार गठनको गर्ने कार्य स्वीकार्य हुँदैन । त्यसैले हामीले संविधान रक्षाका लागि एकजुट हुन आग्रह गर्दै पार्टी पंक्तिलाई बिचलित नहुन पनि आग्रह गरेका छौं ।
कार्यवाहक सभापति रामबाबु भण्डारीको अध्यक्षता तथा पार्टीका केन्द्रीय सदस्य द्वय गुरु बराल र शारदा पौडेलको विशेष उपस्थितिमा बसेको जिल्ला पदाधिकारी, क्षेत्र, प्रदेश, पालिका सभापतिहरुको पूर्ण बैठकले जेनजी आन्दोलन र त्यसपछि उत्पन्न परिस्थितिबारे छलफल गरेको प्रवक्ता सिग्देलले जानकारी दिए । उनका अनुसार बैठकमा संविधान रक्षाका लागि निर्वाह गर्नुपर्ने भूमिका र आवश्यक तयारबारे छलफल भयो । बैठकले पार्र्र्र्टी सभापती एवम् पूर्व प्रधानमन्त्री शेरबहादुर देउवा, केन्द्रीय सदस्य एवम् निवर्तमान परराष्ट्रमन्त्री डा.आरजु राणा देउवालगायतमाथि भएको सांघातिक आक्रमणको तथा सार्वजनिक सम्पती र नेताहरुको घर,मा गरिएका आगजनी र तोडफोडको निन्दा गरिएको उनले जानकारी दिए । साथै घाइते सबैको शिघ्र स्वास्थ्यलाभको कामना गरेको उनले बताए ।
बैठकले आन्दोलनका क्रममा दिवंगत हुनु भएका जेएन जीका युुवाहरु, सर्वसाधारण र सुरक्षाकर्मीहरु प्रति श्रद्वाञ्जली अर्पण गर्दै शोकसन्तप्त परिवारजनमा समवेदना व्यक्त गरेको छ ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखराराष्ट्रिय स्वतन्त्र पार्टी (रास्वपा) पोखरा महानगरपालिकाको प्रथम अधिवेशनबाट योगेन्द्रबहादुर केसी सभापतिमा निर्वाचित…
