नेपालद्वारा युएईसामु २४० रनको लक्ष्य प्रस्तुत

पोखरा, कात्तिक १२

आईसीसी विश्वकप क्रिकेट लिग–२ अन्तर्गत आज भइरहेको खेलमा नेपालले यूएईलाई २४० रनको लक्ष्य दिएको छ । टस जितेर युएईले व्याटिङ रोजेपछि पहिलो व्याटिङ गरेको नेपालले निर्धारित ५० ओभरमा सबै विकेट गुमाएर २३९ रन जोडेको हो ।

नेपालका लागि भीम सार्कीले सर्वाधिक ४८, कुशल मल्लले ४५, उपकप्तान दीपेन्द्रसिंह ऐरीले ३७, आसिफ सेखले ३४, आसिफ सेखले ३० र सन्दीप लामिछानेले १५ रनको योगदान दिए । अन्य व्याटरले भने दोहोरो अंकमा रन जोड्न सकेनन् । ओपनर कुशल भुर्तेल २, कप्तान रोहित पौडेल २, नन्दन यादव १ र ललित राजवंशीले ४ रन जोडे । अन्तिम ओभरको चौथो बलमा कुशल मल्ल आउट भएपछि अन्तिम बल सामना गर्न गर्न गएका ललितले चौका प्रहार गरे । अन्र्तराष्ट्रिय प्रतियोगितामा उनको यो पहिलो ऐतिहासिक चौका हो ।

दुबईस्थित आईसीसी एकेडेमीमा भइरहेको खेलमा २४० रनको लक्ष्य पाएको युएईले केहिबेर पछि दोस्रो ईनिङमा जवाफी व्याटिङ गर्नेछ ।

नेपाल पहिलो खेलमा अमेरिकासँग १०६ रन, दोस्रो खेलमा युएईसँग ५ विकेट र तेस्रो खेलमा अमेरिकासँग ४ विकेटले पराजित भएको थियो ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।