भैरव मन्दिरमा कालभैरव मूर्तीको प्राण प्रतिष्ठा सम्पन्न, आजैदेखि दर्शन तथा पूजनका लागि खुल्ला

पोखरा, कात्तिक २६

पोखराको भैरवटोलमा निर्माण गरिएको भैरव मन्दिरमा आज कालभैरवको मूर्तीको प्राण प्रतिष्ठा गरिएको छ । हालैमात्र निर्माण गरिएको मन्दिरमा आज भैरव अष्टमीको शुभ साईत पारेर कालभैरवको प्रतिमा स्थापना गरि तान्त्रिक विधिबाट प्राण प्रतिष्ठा गरिएको हो ।

प्राण प्रतिष्ठापश्चात आजैदेखि भक्तजनहरुलाई दर्शनसहितको पूजन गर्न खुल्ला गरिएको छ । आजदेखि शुरु भएको दर्शनसहितको पूजन अबदेखि हरेक दिन बिहान ६ बजेदेखि मध्याह्न १२ बजेसम्म खुला गरिने भैरव संरक्षण समितिले जनाएको छ ।

काठमाडौँ उपत्यकाको प्राचीन नेवारी सभ्यता र संस्कृतिको संरक्षण गर्ने उधेश्य अन्तर्गत भैरव मन्दिर निर्माण गरिएको हो ।

२०७६ सालमा निर्माण शुरु गरिएको यो मन्दिर झण्डै ५ वर्षपछि निर्माण सम्पन्न भएको हो । मन्दिर २ करोड ६ लाख ९१ हजार ८९५ रुपैयाँमा निर्माण गरिएको जनाइएको छ ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।