नेकपा माओवादी केन्द्रबाट अलग भएर प्रगतिशील लोकतान्त्रिक पार्टी (प्रलोपा) गठन गरेका नेता जनार्दन शर्मा प्रभाकरले गृह जिल्लामा नै विरोधको सामना गर्नुपरेको छ ।
बिभिन्न कार्यक्रममा सहभागि हुन आइतबार बिहान रुकुम पश्चिम पुगेका प्रभाकरलाई आफ्नै पुराना कार्यकर्ताले कालो झण्डा प्रदर्शन गरेका छन्। शर्मा आज बिहान काठमाडौंबाट नेपाल एयरलाइन्सको हवाईजहाज चढेर सदरमुकाम खलंगा ओर्लिएका थिए । उनी विमानस्थलबाट बाहिरिने क्रममा केही युवाहरुले कालो झण्डा देखाएका हुन् ।नयाँ पार्टी गठन गरेको भन्दै तत्कालिन माओवादी निकटका युवाले कालो झण्डा देखाएको बताईएको छ ।
स्थिति अप्रिय हुन नदिन सुरक्षाकर्मीको तैनाथी बढाइएको जिल्ला प्रशासनले जनाएको छ । नवगठित दल प्रलोपामार्फत राजनीतिक यात्रा अघि बढाइरहेका शर्मा पार्टी गठन पछि पहिलोपटक गृहजिल्ला रुकुमपश्चिम पुगेका हुन् ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
खौलालाँकुरी पोखरा सम्पर्क समाजले छोरेपाटनस्थित मानव सेवा आश्रममा आश्रितलाई खाना सहयोग गरेको…
