पोखरा, मंसिर २८
पोखरा महानगरपालिकाको ६७ औं स्थापना दिवसको अवसरमा पोखरामा भोलि बृहद रक्तदान कार्यक्रम हुने भएको छ । पोखरा महानगरपालिकाको आयोजनामा पोखरा सभागृह परिसरमा भोलि बृहद रक्तदान कार्यक्रम हुन लागेको हो ।
रक्तदान कार्यक्रम विहान ८ बजेदेखि शुरु हुने महानगरपालिकाले जनाएको छ । रक्तदान कार्यक्रममा सहभागिता जनाउन महानगरबासीमा मेयर धनराज आचार्यले अपिल गरेका छन् ।
पोखरा महानगरपालिकाले यस वर्षदेखि पुस २ गते स्थापना दिवस मनाउने भएको छ । यसअघि महानगरपालिका बनेको दिन फागुन २७ गतेलाई स्थापना दिवस मान्दै आएको थियो । तर पोखरा महानगरले यस वर्षदेखि नगरपालिका घोषणा भएको २०१६ साल पुस २ गतेलाई स्थापना दिवस मानेर मनाउन लागेको हो । महानगरले सप्ताहव्यापी रुपमा स्थापना दिवस मनाउने जनाएको छ ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, कात्तिक ११ कास्कीको माछापुच्छ«े गाउँपालिकामा पाँच जना मिलेर साथीको हत्या…
