गण्डकी प्रदेश सभाको हिउँदे अधिवेशन माघ २१ गतेदेखि

पोखरा, माघ ११

गण्डकी प्रदेश प्रमुख डिल्लीराज भट्टले गण्डकी प्रदेश सभाको हिउँदे अधिवेशन आह्वान गरेका छन् । उनले गण्डकी प्रदेश सरकारको सिफारिसमा यहि माघ २१ गतेदेखि गण्डकी प्रदेश सभाको हिउँदे अधिवेशन आह्वान गरेका हुन् । यसअघि गण्डकी प्रदेश सरकारको मंगलबार बसेको बैठकले हिउँदे अधिवेशन आह्वान गर्न प्रदेश प्रमुख समक्ष सिफारिस गर्ने निर्णय गरेको थियो ।

गण्डकी प्रदेश प्रमुखको कार्यालयका प्रवक्ता रामेश्वर अर्यालले शुक्रबार एक विज्ञप्ती जारी गर्दै गण्डकी प्रदेश प्रमुख डिल्लीराज भट्टले नेपालको संविधानको धारा १८३ को उपधारा १ बमोजिम माघ २१ गते दिउँसो २ बजेदेखि आरम्भ हुनेगरी अधिवेशनको आह्वान गरेको जनाएका छन् ।

गत असोज ८ गते प्रदेश सभाको बर्खे अधिवेशन अन्त्य भएको थियो । चार महिनापछि बस्न लागेको प्रदेश सभाको हिउँदे अधिवेशनमा प्रदेश सरकारले १० वटा विधेयक लैजाने तयारी गरेको मुख्यमन्त्री सुरेन्द्रराज पाण्डेले केहि अघि बताएका थिए । उसो त प्रदेश सभामा दुई वटा विधेयक विचाराधीन अवस्थामा छन् ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।