पोखरा महानगरपालिका वडा नम्बर १३ मियापाटनमा रहेको अन्नपूर्ण क्लिनिकल प्रालिले सुलभ फार्मेसी सेवापनि सुरु गरेको छ । ६ वर्ष अघिदेखि सञ्चालनमा आएको प्रालिले सर्वसाधारणलाई होलसेल मूल्यमै औषधी उपलब्ध गराउन फार्मेसी सेवा सञ्चालनमा ल्याएको हो । यस्तो खालको फार्मेसी नेपालमै पहिलो पटक स्थापना भएको प्रालिको दाबी छ ।
फार्मेसीको शुक्रबार पोखरा १२ का वडाध्यक्ष सन्तोष बास्तोला र पोखरा १३ का वडाध्यक्ष किरण बरालले संयुक्त रुपमा उद्घाटन गरे ।
अन्नपूर्ण क्लिनिकलमा प्रदेशकै पहिलो रेफरेन्स ल्याब युआरएलको शाखासहित भिडियो एक्सरे, ओपिडी, मुटुको भिडियो एक्सरे, सामान्य शल्यक्रिया लगायतका सेवा उपलब्ध छन् । बाँझोपनको समस्या सामाधानका निम्ति भारतको प्रतिष्ठित चेन इन्दिरा आइभिएफको काठमाडौं शाखासँग सहकार्य गरी यहाँ परामर्शसमेत दिने गरिएको छ । अन्नपूर्णकी सञ्चालक संगीता बरालले उपभोक्ताको हितका लागि सुरु गरिएको सेवाबाट लाभ लिन आग्रह गरिन् ।
क्लिनिकलमा निशुल्क तीन महिने संगिनी सुई लगाउने सेवापनि दिईन थालेको प्रालिले जनाएको छ । सो सेवाको शुक्रबार नै शुभारम्भ गरिएको हो । पोखरा १३ को सहरी स्वास्थ्य केन्द्र तथा महानगरको स्वास्थ्य महाशाखाको समन्वय यो सेवा सुरु गरिएको सञ्चालक संगीता बरालले जानकारी दिईन् ।
उद्घाटन कार्यक्रममा बोल्दै पोखरा १२ का अध्यक्ष बास्तोलाले व्यवसायसँगै सर्वसाधारणलाई सेवा दिने हेतुले यस खालका प्रयास हुनु सराहनीय भएको बताए । उनले भने, ‘यस खालका काम राज्यले गर्नुपर्ने हो । निजी क्षेत्रबाट सुलभ रुपमा सर्वसाधारणले औषधी पाउँदा उनीहरुको स्वास्थ्यमा पहुँच बढ्छ ।’ पोखरा–१३, मियाँपाटन चोकमा रहेको अन्नपूर्ण क्लिनिकलमा विशेषगरी पोखरा महानगरका वडा नम्बर १०, १२ र १३ का सर्वसाधारण सेवा लिन पुग्ने गरेका छन् ।
अन्नपूर्णका सञ्चालक हिरामणि न्यौपानेले स्वास्थ्य क्षेत्रको संवेदनशीलता र नागरिकको कर्तव्य बोध गरी यस खालको सेवा सुरु गरेको बताए । उनले भने, ‘नाफामुखी भन्दा सेवामुखी भएर काम गरौं भनी नयाँ योजना ल्याएका छौँ । होलसेल मूल्यमै औषधी पाउँदा उपभोक्ताको पहुँच उपचारमा बढ्नुका साथै आर्थिक रुपमा पनि उनीहरुलाई फाइदा हुन्छ ।’
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखरा। नेपाली कांग्रेस नेतृ हस्तमाया नेपालीको निधन भएको छ। केही वर्षदेखि क्यान्सर…
