पोखरा, असार १७
अन्तर प्रदेश राष्ट्रिय भारत्तोलन प्रतियोगितामा पोखराका कुशल गुरुङ प्रथम भएका छन् । मधेश प्रदेश खेलकुद तथा समाज कल्याण मन्त्रालयले बिरगञ्जमा आयोजना गरेको प्रतियोगितामा पोखरा-१२ निवासी कुशलले ९८ केजी तौल समूहमा अन्य प्रदेशका प्रतिष्पर्धीलाई पछि पार्दै प्रथम स्थान प्राप्त गरेका हुन् । सांगीतिक व्याण्ड डि–मर्चाका ड्रमरसमेत रहेका उनले स्न्याचतर्फ ९१ केजी तथा क्लिन एण्ड जर्कतर्फ १२० केजी गरेर कुल २२१ केजी तौल उठाउँदै प्रथम स्थान हासिल गरे ।
बिजेता कुशलले मेडल र प्रमाण पत्र प्राप्त गरे । कुशलले यसअघि राष्ट्रिय भारत्तोलन प्रतियोगितामा सो तौल समूहबाट छनौट भइसकेका छन् भने गण्डकी प्रदेश स्तरीय प्रतियोगितामा दोस्रो स्थान हासिल गरेका थिए । उनले विभिन्न प्रतियोगितामासमेत प्रथम स्थान हासिल गरिसकेका छन् ।
त्यस्तै, अन्तर प्रदेश राष्ट्रिय भारत्तोलन प्रतियोगिताको महिलातर्फ ७७ केजी तौल समूहमा पोखराकी सरस्वती गुरुङले प्रथम स्थान हासिल गरिन् भने ८५ केजी तौल समूहमा सिञ्जल गुरुङले द्वितीय स्थान हासिल गरे । त्यस्तै पोखराकै सुदीप गुरुङले ११० केजी तौल समुहमा दोस्रो स्थान हासिल गरे । अर्का १४ वर्षिय पोखरेली प्रतिस्पर्धी सायून गुरुङलाई राईजिङ स्टार घोषणा गरि मेडल र सम्मान पत्र प्रदान गरिएको थियो ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सरकारले राज्यको सीमित स्रोत र साधनमाथि वर्षौँदेखि हुँदै आएको चरम दोहन र…
