पोखरा । पोखरा उद्योग वाणिज्य संघले आफ्नो ६८ औं वार्षिकोत्सवको उपलक्ष्यमा मंगलबार गैह्रापाटनमा रहेको नविन माविलाई शैक्षिक सामग्री सहयोग गरेको छ ।
कार्यक्रमका प्रमुख अतिथि पोखरा ४ का वडाध्यक्ष शंकरप्रसाद बास्तोला तथा संघका अध्यक्ष नारायण कोइरालाले विद्यालय व्यवस्थापन समितिका अध्यक्ष राजेन्द्रनिधी कोइराला तथा प्रधानाध्यापक शिरोमणि लामिछानेलाई शैक्षिक सामग्री हस्तान्तरण गरेका हुन् ।
शैक्षिक सामग्री हस्तान्तरण कार्यक्रममा बोल्दै प्रमुख अतिथि पोखरा ४ का वडाध्यक्ष बास्तोलाले सहयोगलाई कति दियो भन्नेमा नभएर कसरी दिइयो भन्ने कोणबाट हेरिनुपर्ने बताए ।
पोखरा ४ मा रहेको एकमात्र सामुदायिक विद्यालयलाई पोउवा संघले गरेको सहयोग आफैमा सह्रानीय भएको उनको भनाइ थियो । आफू १७ वर्षसम्म संघको साधारण सदस्य रहेको र त्यही संघले सामाजिक उत्तरदायित्व बहन गर्ने सिलसिलामा वडाको विद्यालयलाई सहयोग गर्नुलाई उनले संयोगमात्र नभएर अविश्वरणीय कार्यको संज्ञा पनि दिए ।
पोखरा उद्योग वाणिज्य संघले जनप्रतिनिधिविहीनताको अवस्थामा जनप्रतिनिधिको भूमिका खेलको स्मरण गर्दै उनले भने,‘हिजो पोखरा उद्योग वाणिज्य संघले सेमी–जनप्रतिनिधिको भूमिका निभाएको थियो, अहिलेको अवस्थामा हामी उहाँहरुसँग हातेमालो गर्दै अगाडि बढ्न चाहन्छौं ।’ उनले राजश्व वृद्धि गराउन एवं व्यावसायिक वातावरण निर्माणमा लाग्न संघ नेतृत्वसँग आग्रह पनि गरे ।
कार्यक्रम तथा संघका अध्यक्ष नारायण कोइरालाले आफूले कखरा सिकेको विद्यालयलाई संघको वार्षिकोत्सवको अवसरमा सहयोग गर्न पाउँदा खुसी लागेको बताए । पोखरा उद्योग वाणिज्य संघ सधैं समुन्नत पोखराको पक्षमा रहेको स्पष्ट पार्दै उनले विद्यालयस्तरबाटै उद्यमशीलता सिकाउने अभियान थालिनुपर्ने र सो अभियानलाई संघलेले सघाउने उद्घोष गरे ।
विद्यालय व्यवस्थापन समितिका अध्यक्ष राजेन्द्रनिधी कोइरालाले पोखरा उद्योग वाणिज्य संघ र नविन स्कूल एउटै वडामा रहेको तथ्य पेश गर्दै नजिक भएकाबाट सहयोगको अपेक्षा बढी हुने यथार्थता बुझ्न संघ नेतृत्वसँग आग्रह गरे ।
पोउवा संघका महासचिव सुरेन्द्रमान विजूक्छेको संचालन रहेको कार्यक्रममा बोल्दै संघका वरिष्ठ उपाध्यक्ष पवनकुमार प्रजापतिले शिक्षाको विकासको लागि संघले यथाशक्य सहयोग गर्ने प्रतिवद्धता जनाए ।
विद्यालयका प्राचार्य शिरोमणि लामिछानेले पोउवा संघले विद्यालयलाई उपलब्ध गराएको छात्रवृत्ति,विद्यालय समयपछिको लागि शिक्षक व्यवस्था गरिदिएकोमा धन्यवाद ज्ञापन गरे ।
कार्यक्रममा संघका पदाधिकारी तथा कार्यसमिति सदस्यहरुको उपस्थिति रहेको थियो ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, कात्तिक २५ होटल संघ पोखरा, नेपालको आयोजनामा बुधबार पोखरामा आयोजित…
