पोखरामा डिजिटल मार्केटिङको कार्यशाला

पोखरामा डिजिटल मार्केटिङको कार्यशाला गरिएको छ।

युनाइट्स नेपालले शनिबार पोखरामा डिजिटल मार्केटिङको कार्यशाला आयोजना गरेको हो।

व्यापार, व्यवसाय प्रवद्र्धनका लागि वितरण, प्रचार प्रसार, बजारीकरण निकै महत्वपूर्ण हुने र अहिलेको अवस्थामा डिजिटल मार्केटिङलाई थप प्रभावकारी बनाउन कार्यशाला आयोजना गरिएको थियो।

आभास अधिकारी र प्रतिमा भट्टले कार्यशालाको सहजीकरण गरेका थिए। उनीहरुले डिजिटल माध्यमबाट मार्केटिङका तरिका, अहिलेको अवस्था र चाल्नुपर्ने कदमबारे प्रकाश पारे। व्यक्तित्व विकास र व्यापार, व्यवसाय प्रवद्र्धनका लागि संगठन निर्माण र परिचालनबारे समेत कार्यशालामा प्रशिक्षण दिइएको थियो।

क्यान महासंघ सचिव जगन गुरुङले यस खालका कार्यक्रमले युग सुहाउँदो जनशक्ति उत्पादन, आय–आर्जन र समृद्धिका लागि सघाउने बताए।

युनाइट्स नेपालका गण्डकी अध्यक्ष सुनिल पाण्डेले यो क्षेत्रमा डिजिटल माध्यमबाट व्यक्तित्व विकास गर्न चाहनेहरुलाई प्रोत्साहन गर्न कार्यक्रम गरिएको बताए।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।