पोखरा, जेठ ११
गण्डकी प्रदेशकी उर्जा जलश्रोत तथा खानेपानी मन्त्री सरस्वती अर्याल तिवारीले लिफ्टिङ खानेपानीको विद्युत महशुल निःशुल्क गर्ने घोषणा गरेकी छन् । स्वतन्त्र उर्जा उत्पादकहरुको संस्था नेपाल (इप्पान)ले विहीबार पोखरामा आयोजना गरेको ‘नेपालमा उर्जा उत्पादनको सम्भावना र गण्डकी प्रदेशको दिगो विकासको लागि उर्जा’ विषयक छलफल कार्यक्रमलाई सम्बोधन गर्दै उनले गण्डकी प्रदेश भित्र हुने लिफ्टिङ खानेपानीको विद्युत महशुल निःशुल्क गराउने घोषणा गरेकी हुन् ।
मन्त्री तिवारीले गण्डकी प्रदेशका ९९.५ प्रतिशत जनताले विद्युत तथा सोलार लाइट सेवाको उपभोग गरिरहेको उल्लेख गरिन् । गण्डकी प्रदेश, उज्यालो प्रदेश अभियानका कारण गण्डकीका अधिकांश क्षेत्रमा विद्युत वा त्यो नभएको ठाउँमा सोलार लाईट पुगेको उनको भनाई थियो । अब गण्डकी प्रदेशका २ हजार ८ सय ८४ घर धुरीमा विद्युत सेवा पुग्न बाँकी रहेको उनले जानकारी दिईन् । पुरानो बिद्युत ऐनका कारण स्थानिय, प्रदेश र संघीय सरकारबीच समन्वय र सहकार्य हुन नसक्दा धेरै आयोजनाहरु प्रभावित भएकोपनि उनले उल्लेख गरिन् ।
मन्त्री तिवारीले प्रदेश सरकारको ‘गण्डकी प्रदेश, उज्यालो प्रदेश’, निःशुल्क लिफ्टिङ खानेपानीको विद्युत महशुललगायतका अभियानलाई निजी क्षेत्रलेपनि सघाउनुपर्ने बताईन् । ‘नीजि क्षेत्रले आफ्नो संस्थागत सामाजिक उत्तरदायित्व अन्तर्गत यी अभियान सफल बनाउन योगदान गर्नुपर्छ’–उनले भनिन् । उनले विद्युत ऐन संसोधन नहुँदा विद्युतको आन्तरिक बजार व्यबस्थापनदेखि उत्पादन भएको विद्युत बिक्री गर्नेलगायतका महत्वपूर्ण काममा बाधा पुग्नेगरेको बताईन् ।
इप्पानका अध्यक्ष कृष्ण आचार्यले नेपालको पानी समृद्धिको खानी भएको बताए । उनले ग्याँसमुक्त क्षेत्र बनाएर विद्युत पर्यटनको सम्भावनालाई उजागर गर्न सकिने बताए । उनले भने,‘गण्डकीका कुनै एउटा पालिका वा वडालाई मात्रैपनि ग्याँसमुक्त क्षेत्र घोषणा गरेर विद्युत पर्यटनको सम्भावनालाई उजागर गर्न सकिन्छ । यसका लागि प्रदेश र स्थानिय सरकारसँगै सरोकारवालाहरुको ध्यानाकर्षण होस् ।’
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, कात्तिक ११ कास्कीको माछापुच्छ«े गाउँपालिकामा पाँच जना मिलेर साथीको हत्या…
