क्यानोईङ गर्दा मृत्यू भएकी अञ्जिता दुई साता अघिमात्र अमेरिकाबाट पोखरा आएकी थिईन्

पोखरा, साउन ११

कास्कीको माछापुच्छ«ेमा क्यानोईङ गर्ने क्रममा मृत्यू भएकी अञ्जिता भण्डारी दुई साता अघिमात्र अमेरिकाबाट पोखरा आएको खुलेको छ । पोखरा महानगरपालिका वडा नम्बर २६ कन्दनीडाँडास्थित थुमकोडाँडा पुख्र्यौली घर भएकी २२ वर्षिया अञ्जिता बुबा तीर्थ भण्डारी र आमालाई अमेरिकामै छाडेर दिदी र भाईसँग दुई साता अघिमात्र पोखरा आएकी हुन् । घर आएर आफन्तसँग भेटघाटमा व्यस्त उनीहरु अपर मुस्ताङ घुमेर फर्किएलगत्तै क्यानोईङ गर्न घलेल पुगेका थिए ।

क्यानोईङ गर्ने क्रममा उनको दुर्घटनामा परेर मृत्यू भएको हो । शुरुमा दिदीले क्यानोईङ गरिसकेपछि अञ्जिता र उनको भाई आशिष क्यानोईङका लागि तयार भएको बताइएको छ । भाई आशिष भन्दा अगाडि क्यानोईङ गर्न पुगेकी अञ्जितालाई क्यानोईङ गर्ने क्रममा लगाउने डोरीको हुक नलगाई धकेलिदिदा मृत्यू भएको परिवारको आरोप छ । पीडित परिवारका छिमेकी विश्व अधिकारीले हुक लगाउन बिर्सिदा घट्ना घटेको भनेर पीडितका भाई आशिष भण्डारीले बताएको जानकारी दिएका छन् । आशिषलाई उद्धृत गर्दै उनले भने,‘ठूली दिदीले गरिसकेपछि सानी दिदी र म क्यानोईङ गर्न बसेका थियौं । मैले भन्दा अगाडि सानी दिदीले क्यानोईङ गर्ने कुरा भयो । त्यसलगत्तै डोरी लगाएर सानी दिदीलाई धकेलिदियो तर डोरीको हुक लगाएको रहेनछ । दिदी सिधै करीब ५० मिटर तल बजारिनु भयो ।’ ‘हुक नलगाई सिधै तल बजारिएको भाईले देख्दा कस्तो भयो होला ?’–अधिकारीले भने ।

मृतक भण्डारी पुख्र्यौली घर पोखरा–२६ कन्दनीडाँडास्थित थुमकोडाँडा घर भई अमेरिकाको बाल्टिमोर बस्दै आएका तीर्थ भण्डारीकी कान्छी छोरी हुन् । अमेरिकामै ईञ्जिनियरिङ विषयमा ब्याचलर गरेकी अञ्जिता दिदी र भाईुसँग पुख्र्यौली थलो घुम्न एक महिनाअघि मात्र नेपाल आएकी थिईन् । नेपाल आएपछि आफन्त भेटघाटमा व्यस्त रहेका उनीहरुले हालसालै अपर मुस्ताङ घुमेर फर्किएका थिए । लगत्तै क्यानोईङ गर्न पुगेका बेला घटना घटेको छिमेकी अधिकारीले जानकारी दिए । घटनापछि अञ्जिताका बुबा र आमा अमेरिकाबाट नेपालतर्फ प्रस्थान गरेको परिवारले जनाएको छ ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।