उपकार सहकारीको अध्यक्षमा सुर्यनाथ दोहोरीए पहारी

पोखरा महानगर पालिका वडा नं– ६ बैदाममा स्थित उपकार बचत तथा ऋण सहकारी संस्था पोखराको छैठौ अधिवेशनबाट अध्यक्षमा सुर्यनाथ पहारी निर्विरोध निर्वाचित भएका छन् । शनिबार सम्पन्न अधिवेशनले सुर्यनाथ पहारी अध्यक्षतामा ९ सदस्यीय सञ्चालक समिति र ३ सदस्यीय लेखा समिति निर्वाचित गरेको छ ।
संस्थाको उपाध्यक्षमा सुन्दरराज पहारी, सचिव कृष्ण कुमारी पौडेल, कोषाध्यक्ष बैकुण्ठ ढुङ्गाना चयन भएका छन् । सदस्यहरुमा राम खाण, कृष्ण प्रसाद बास्ताकोटी, भगिरथी क्षेत्री, हरि प्रसाद पहारी र रश्मिता बराल सर्वसम्मत निर्वाचित भएका हुन् । लेखा समितिको संयोजकमा अर्मत भुजेल सदस्यहरु हेरम्व राज अधिकारी र हेमराज चालिसे रहेका छन् । । तेसै गरि सभाले ऋण उपसमिति र शिक्षा उपसमिति समेत गठन गरेको छ।। ऋणसमितिमा धनपति पौडेल र लक्ष्मी सुबेदी रहेका छन भने शिक्षामा हरिराज कोइराला र सिर्जना शर्मा भण्डारी चयन भएको निर्वाचन समितिका संयोजक तथा अधिवक्ता मदन प्रसाद तिवारीले जानकारी दिए ।
साधारणसभाको उद्घाटन गर्दै प्रमुख अतिथि पोखरा महानगरपालिका वडा नं ६ का वडाध्यक्ष विष्णु बहादुर भट्टराइले ले सहकारी संस्थाहरु नियम र कानुन अनुसार सञ्चालन हुनुपर्ने बताए । विषम परिस्थितिमा पनि संस्थाले आफ्ना शेयर सदस्यहरु प्रति गरेको सहयोगको प्रशंसा गरे । उनले संस्थाका गतिविधिमा शेयर सदस्यहरुले चनाखो भई आर्थिक पारदर्शितामा ध्यान दिनुपर्ने कुरामा जोड दिए ।
नवनिर्वाचित अध्यक्ष सूर्यनाथ पहारीले सहकारी प्रति जनमानसमा परेको नकरात्मक सोच र सहकारीको बिसंगती विरुद्ध लडनका लागि संचालक समिति मात्र सक्षम भएर नहुने बताउदै कर्मचारीहरुको नियत सफा हुनु पर्ने बताए । पहारीले शेयर सदस्यहरुको हकहितलाई मध्यनजर गर्दै आगामी दिनमा नयाँ कार्य योजना अगाडी बढाउने प्रतिबद्धता व्यक्त गरे । सचिव सुन्दरराज पहारीले सहकारीलाइ पोखराकै उत्कृष्ट सहकारी रुपमा अगाडी बढाउने गृहकार्यमा लागि परेको बताउदै, सवैको साथ सहयोग को आवश्यकता रहेको बताए ।
कार्यक्रममा संस्थाका उपाध्यक्ष दर्गा देवी पहारी, सल्लाहकार फत्त बहादुर थापा र शेयर सदस्य तुलसी दाहाल र सदस्य लक्ष्मी सुबेदी लगायतले सहकारी संस्थाले बचतकर्ताको विश्वास जित्ने गरी काम गर्नुपर्नेमा जोड दिएका छन् ।
साधारणसभाले संस्थाका सचिव सुन्दराज पहारी प्रस्तुत गरेको प्रगति प्रतिवेदन र कोषाध्यक्ष बैकुण्ठ ढुङ्गानाले ले प्रस्तुत गरेको आर्थिक प्रतिवेदन पारित गरेको छ । विसं २०६५ मा स्थापना भएको सहकारीमा ३ सय ६५जना शेयर सदस्य छन । संस्थाको शेयर पूँजी शेयर ९ करोड ३४ लाख ५३ हजार ३ सय र निक्षेप संकलन २९ करोड ९३ लाख ३९ हजार ५१ रुपैयाँ रहेको संस्थाले २९ करोड २९ लाख ५२ हजार ४ सय ७९ रुपैया कर्जा लगानी गरेको छ ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।