पोखरा, असार १७
पोखरा-छ लेकसाइडका ३ स्पा सेन्टरबाट ८ जना बालिकाहरुको उद्धार गरिएकाे छ । जिल्ला प्रहरी कार्यालय कास्की र पोखरा महानगरपालिका सामाजिक विकास महाशाखाबाट खटिएको टोलीले उनीहरूको उध्दार गरेको हो ।
टोलीले लेकसाइडको पर्सल्यान स्पाबाट २ जना, ताराहिल लज स्पा एण्ड व्यूटी केयरबाट २ जना र इभेण्डर व्यूटी एण्ड स्पाबाट ४ जना गरेर कुल ८ जना बालिकाको उद्धार गरिएको कास्की प्रहरीले जनाएको छ!
लेकसाइडका विभिन्न स्पाट सेन्टरमा बालिकाहरूलाई काममा लगाइएको सूचना प्राप्त भएपछी सोमबार गरिएको अनुगमनका क्रममा १८ वर्ष भन्दा कम उमेरका बालिकाहरुलाई काममा लगाएको पाइएकाले बालिकाहरुकाे उद्धार गरिएको कास्की प्रहरीका सूचना अधिकारी डिएसपी हरिबहादुर बस्नेतले जानकारी दिए ।
बालिकालाई काममा लगाउने ताराहिल लज एण्ड स्पा, पर्सल्यान स्पा र इभेण्डर ब्यूटी एण्ड स्पालाई कारवाहीका लागि श्रम तथा रोजगार कायालयमा पठाइएको डिएसपी बस्नेतले बताए ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखरा, ३ साउन गण्डकी प्रदेशका प्रमुख डिल्लीराज भट्टले गण्डकी प्रदेश कला, साहित्य,…
