पछिल्लो साढे ११ महिनामा वैदेशिक रोजगारीमा गएका गण्डकीका १५५ जनाको मृत्यू

पोखरा, असार २१

पछिल्लो साढे ११ महिनामा गण्डकी प्रदेशबाट वैदेशिक रोजगारीमा गएका १ सय ५५ जनाको मृत्यू भएको छ । चालु आर्थिक वर्षको जेठ मसान्त सम्ममा वैदेशिक रोजगारीका लागि गण्डकी प्रदेशबाट विभिन्न देश गएका उनीहरुको मृत्यू भएको सुरक्षित आप्रवासनका लागि सामी कार्यक्रमले पोखरामा एक अन्र्तक्रियात्मक छलफल गरी जानकारी दिएको हो ।

सामीका अनुसार वैदेशिक रोजगारीमा गएर मृत्यू हुनेको संख्या स्याङ्जा र नवलपुरको समान २७/२७ जना रहेको छ । तर स्याङ्जाका मृतक सबै पुरुष हुन् भने नवलपुरका २६ पुरुष र १ महिला छन् । त्यस्तै, पछिल्लो साढे ११ महिनामा कास्कीका २२ जना, बागलुङका एक महिलासहित १७ जना, तनहुँका २० जना, गोरखाका १५ जना, लमजुङका ४ महिलासहित १४ जना, पर्वतका ७ जना र म्याग्दीका ६ जना रहेको सामीले जनाएको छ ।

सामी कार्यक्रमले कास्कीमा पछिल्लो साढे ११ महिनामा वैदेशिक रोजगार सम्बन्धि ७२ वटा समस्या तथा मुद्दाको समाधान गरेको जनाएको छ । उक्त अवधीमा कुल २२४ वटा समस्या देखा परेकामा १५२ वटा समाधानको प्रक्रियामा रहेको पोखरा महानगरपालिका सामी कार्यक्रम अधिकृत आदिमध्वज श्रेष्ठले जानकारी दिए । सो अवधीमा पीडितलाई ३ करोड ८८ लाख ५९ हजार ८५ रुपैयाँ आर्थिक सहयोगसमेत उपलब्ध गराइएको उनले बताए । उनका अनुसार पोखरा महानगरपालिकामा १११ वटा वैदेशिक रोजगार सम्बन्धि समस्या देखा परेकोमा ३५ वटा समाधान भएको तथा ७६ वटा प्रक्रियामा रहेका छन् ।

त्यस्तै, अन्नपूर्ण गाउँपालिकामा १४ उजुरी परेकोमा २ वटा समाधान भएको र १२ वटा प्रक्रियामा रहेको, माछापुच्छ«े गाउँपालिकामा १७ वटा समस्या परेकोमा ५ वटा समाधान भएको र १२ वटा प्रक्रियामा रहेको, मादी गाउँपालिकामा १० वटा समस्या उत्पन्न भएकोमा ६ वटा समाधान भएको र ४ वटा प्रक्रियामा रहेका छन् भने रुपा गाउँपालिकामा ९ वटा समस्या देखा परेकोमा ४ वटा समाधान भएको र ५ वटा प्रक्रियामा रहेको उनले बताए । यसैगरी, कास्कीमा अस्थायी बसोबास गर्नेहरुको ६३ वटा समस्या देखापरेकोमा २० वटा समाधान भएको र ४३ वटा प्रक्रियामा रहेको उनले जानकारी दिए ।

‘स्वदेशमै रोजगार गरौं, वैदेशिक रोजगारीमा जाने नै भए सहि सूचना लिएर र सीप सिकेर मात्र जाऔं’ भन्ने नारासहित सचेतना अभिवृद्दिमा लागेको सामी कार्यक्रमले उक्त समयावधी सम्ममा ७ हजार ९ सय ७२ जना सम्भावित आप्रवासी, ४३ जना रिटर्नी, ४ हजार ५ सय ८६ जना विद्यार्थी, घुम्न, परिवार भेट्न विदेश जान लागेका गरेर कुल १२ हजार ६ सय १ जनालाई परामर्श दिएको अधिकृत श्रेष्ठले जानकारी दिए । उनका अनुसार पोखरामा ९ हजार १ जना, अन्नपूर्ण गाउँपालिकामा ९२९ जना, माछापुच्छ«े गाउँपालिकामा ८३५ जना, मादी गाउँपालिकामा ८३५ जना नै, रुपा गाउँपालिकामा ५७९ जना र अन्य ४१३ जनालाई परामर्श दिइएको छ ।

सामीले कास्कीमा ३ हजार ३ सय १२ जनामा गहन अभिमुखीकरण गरेको छ । जस अनुसार पोखरामा ६४३ जना, अन्नपूर्ण गाउँपालिकामा ९८५ जना, माछापुच्छ«े गाउँपालिकामा ७८२ जना, मादी गाउँपालिकामा ७२० जना र रुपा गाउँपालिकामा ८२ जनालाई गहन अभिमुखीकरण गरेको जनाएको छ ।

यसैगरी, पोखरामा ११ जना, अन्नपूर्ण गाउँपालिकामा ६ जना, माछापुच्छ«े गाउँपालिकामा ३० जना, मादी गाउँपालिकामा ६८ जनालाई व्यक्तिगत रुपमा मनोसामाजिक परामर्श प्रदान गरेको उनले जानकारी दिए । त्यसबाहेक पोखरामा ५२ जना, अन्नपूर्ण गाउँपालिकामा ४० जना, माछापुच्छ«ेमा ४९ जना र मादी गाउँपालिकामा १८९ जनालाई सामुहिक मनोसामाजिक परामर्श दिइएकोपनि उनले उल्लेख गरे ।

त्यस्तै, सामीले कास्कीका १८९ जनालाई वित्तीय साक्षरता प्रदान गरेको जनाएको छ । उनका अनुसार पोखरा–१८ को भकुण्डे र वडा नम्बर–२४ को कास्कीकोट, अन्नपूर्ण गाउँपालिका–३ को तलेव, वडा नम्बर–४ को पाउँदुर, माछापुच्छ«े–१ को मिर्सा र वडा नम्बर–९ को घलेल, मादी–१ को सिक्लेस र वडा नम्बर–२ को ताङतिङमा वित्तीय साक्षरता तालिम प्रदान गरिएको श्रेष्ठले जानकारी दिए ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।