कास्की सहित ६१ जिल्लामा निर्वाचन प्रहरी छानिए

फागुन २१ मा हुने प्रतिनिधि सभा निर्वाचनको सुरक्षाका लागि ६१ वटा जिल्लामा निर्वाचन प्रहरी छनोट भएका छन् ।

कास्की सहित ६१ जिल्लामा यसपटक निर्वाचन प्रहरीमा भर्ना हुन २ लाख ११ हजार ७२७ जनाले आवेदन दिएका थिए । आवेदकहरू मध्ये ६१ जिल्लामा नतिजा प्रकाशन गरिएको नेपाल प्रहरीले जनाएको छ ।कास्कीमा पनि सशस्त्र र नेपाल प्रहरीमा गरी २ हजार २ सय ९९ जना निर्वाचन प्रहरी छनोट गरिएको हो । नेपाल प्रहरी र सशस्त्र प्रहरी बल गरी दुई समूहमा विभाजन गरेर जनशक्ति छनोट गरिएको छ ।जसमा शसस्त्र प्रहरीका २ सय ९१ ज्ना छन् । छनोट भएका प्रहरीलाई माघ १८ देखि २७ गतेसम्म निर्वाचन सुरक्षा केन्द्रीत तालिममा सहभागि गराइने जिल्ला प्रशासन कार्यालय कास्की अन्तर्गतको निर्वाचन प्रहरी भर्ना छनोट तथा नियुक्ति समितिले जनाएको छ । १० दिने तालिम दिएर उनीहरूलाई माघको अन्तिम सातादेखि फिल्डमा परिचालन गरिने बताईएको छ ।

प्रकाशित नतिजा अनुसार योग्यताक्रमका आधारमा २ सय १२ जना लाई वैकल्पिक उम्मेदवारका रूपमा छनोट गरिएको छ । मुख्य उम्मेदवारहरू अनुपस्थित भएको खण्डमा वा अन्य कारणले कोटा रिक्त भएमा वैकल्पिक सूचीबाट पदपूर्ति गरिनेछ । नेपाल प्रहरीतर्फ सिफारिस भएकाले जिल्ला प्रहरी कार्यालय कास्की र सशस्त्र प्रहरीतर्फ सिफारिस भएकाले सशस्त्र प्रहरी बल नेपाल २४ नं. कालिका गण, मालेपाटनमा सम्पर्क राख्नुपर्नेछ ।

यसपटकको निर्वाचनमा प्रहरीले देशभर १ लाख ३३ हजार ९८० जना निर्वाचन प्रहरी, सुरक्षाको रुपमा खटाउँदै छ ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।