विश्व साइकल दिवसमा फिस्टेलको साइकल यात्रा

पोखरा १७, तल्लो बिरौटामा रहेको फिस्टेल एकेडेमी आई.बी वर्ल्ड स्कुलले विश्व साइकल दिवस २०२६ को अवसर पारेर पर्यटकीय क्षेत्र पामेसम्म साइकल यात्रा गरेको छ ।

विद्यालयको कक्षा ६ देखि १० सम्म अध्ययनरत विद्यार्थीहरुले करिब १० किलोमिटरको साइकल यात्रा गरे । प्रदूषणरहित सावारी साधनको प्रयोग गर्दै शारीरिक तन्दुरुस्ती कायम गर्न तथा वातावरणीय प्रदूषणको न्यूनीकरण गर्न जनचेतना फैलाउने उद्देश्यले सो कार्यक्रमको आयोजना गरिएको विद्यालयका प्रधानाध्यापक अभिषेक राईले जानकारी दिए । विश्व वातावरण दिवसको पूर्वसन्ध्यामा गरिएको सो कार्यक्रममा विद्यार्थीहरुले पामे क्षेत्रको फोहरमैला सङ्कलन गरी सरसफाइसहित व्यवस्थापन गरेको शिक्षक प्रेम नारायण ढकालले जानकारी दिए ।

यसैगरी कक्षा ६ देखि ८ सम्मका विद्यार्थीहरुले पोखरा २१ दम्सादी क्षेत्रको प्राकृतिक सुन्दरताको अवलोकन गर्दै हाइकिङसमेत गरेका छन् । सो अवसरमा उनीहरुले जैविक विविधता, प्रकृति संरक्षण तथा वातावरणीय स्वच्छताका बारेमा विविध जानकारी प्राप्त गरे ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।