सन्देश श्रेष्ठ
पोखरा, कात्तिक १६
एसीसी पुरुष यू–१९ एसिया कप २०२६ मा सहभागी हुन नेपाली राष्ट्रिय यू–१९ क्रिकेट टोली पोखराबाटै ओमान प्रस्थान गरेको छ । ओमानमा यहि कात्तिक १९ देखी २८ गतेसम्म आयोजना हुने एसिया कपमा सहभागी हुन नेपाली टोली सोमबार फ्लाई दुबईको विमान चढेर दुबईहुँदै ओमान प्रस्थान गरेको हो । टोलीलाई गण्डकी प्रदेश क्रिकेट संघ र कास्की जिल्ला क्रिकेट संघका पदाधिकारी तथा शुभचिन्तकले पोखरा अन्तर्राष्ट्रिय विमानस्थलमा विदाई गरेको हो । टोली दुबईहुँदै ओमान पुग्ने गण्डकी प्रदेश क्रिकेट संघले जनाएको छ ।
१५ सदस्यीय टोलीलाई सोमबार अपराह्न एक औपचारिक कार्यक्रम गरेर विदाईसमेत गरिएको थियो । कार्यक्रममा पोखरा महानगरपालिकाका प्रमुख (मेयर) धनराज आचार्यले क्रिकेट टोलीलाई पोखराबाट विदाई गर्न पाउँदा गौरवान्वित महशुष गरेको बताए । फ्लाई दुबईमार्फत पोखराबाट सिधै दुबईहुँदै ओमान पठाउन पाउँदा हामी अत्यन्त हर्षित छौं,उनले भने,‘आशा छ टोलीले ओमानमा उच्च मनोवलका साथ उत्कृष्ट प्रदर्शन गर्नेछ ।’
महानगर प्रमुख प्रशासकीय अधिकृत राजन पौडेलले अभ्यास खेलका लागि पोखरा रोजेकोमा क्यानलाई धन्यवाद दिए । पोखराले राष्ट्रिय टोलीलाई आतिथ्यता गर्न पाउनु गौरवको कुरा हो,उनले भने,‘हामी चाहन्छौं ः खेलाडीको मेहनत, लगनशिलता र सामुहिक प्रयासले सफलता प्राप्त हुनेछ ।’
नेपाली टोलीका कप्तान विपिनप्रसाद शर्माले पोखराबाट सिधै दुबईहुँदै ओमान प्रस्थान गर्न पाउनू खुशीको कुरा भएको बताए । काठमाडौं पुगेर उड्दा समय धेरै लाग्नसक्ने भए पनि पोखराबाट उड्दा समयको बचत भएको बताउँदै उनले भने,‘पोखराको अभ्यास एकदमै राम्रो छ । आशा छ हामीले गरेको मेहनत अनुसार नै नतिजा ल्याएर देशको शीर उचो बनाउँछौं ।’
प्रशिक्षक वसन्त शाही ठकुरीले प्रतियोगितामा नतिजाको चिन्ता नगरी खुलेर खेल्ने बताए । टेष्ट म्याच खेल्ने राष्ट्रसँगको प्रतिस्पर्धामा टोली नडराई खेल्छ,उनले भने,‘यो प्रतियोगिता नेपाली खेलाडी र देशका लागि भाग्य र भविष्य बदल्ने प्रतियोगिता हो । ठूलो स्टेजमा खेल्न गइरहेकाले यसको महत्व छुट्टै छ ।
राष्ट्रिय यू–१९ टोलीले पोखरामा पाँच दिन बन्द प्रशिक्षण गरेको थियो ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, कात्तिक १६ एसीसी पुरुष यू–१९ एसिया कप २०२६ मा सहभागी…
