संस्थाले सञ्चालन गरेको ‘शिशु स्याहार परामर्श तथा विकास परियोजना’बारे नेलम्बो नेपालले गर्यो छलफल

पोखरा, जेठ १२

नेलम्बो, नेपालद्वारा सञ्चालित शिशु स्याहार परामर्श तथा विकास परियोजनाबारे छलफल भएको छ । नेलम्बो नेपालले सञ्चालन गर्दै आएको सो परियोजनाबारे टोल विकास संस्था, आमा समूह तथा महिला स्वास्थ्य स्वयम्सेविकाहरुसँग परियोजनाको उद्देश्य र कार्यक्रमबारे अन्तरक्रियात्मक छलफल गरिएको हो ।

परियोजनाबारे सुझाव संकलन गर्ने हेतुले आयोजित कार्यक्रममा परियोजनाका प्रमुख एवम् संस्थाका पार्टनरसिप तथा कम्युनिकेसन संयोजक निर्मला देवकोटाले सहजीकरण गर्दै शिशु स्याहार परामर्श तथा विकास परियोजनाबारे जानकारी दिएकी थिईन् । परियोजनाले शिशुको जन्म पूर्व (गर्भावस्था) र जन्मेको ६ बर्ष सम्मका बालबालिका तथा उनीहरुका अभिभावकहरुका लागि बालबालिकाहरुको नियमित पालनपोषण, स्याहार, विकास, संरक्षणसँगै शिक्षालगायतका हक अधिकार बारे जानकारी दिनुका साथै आवश्यक परामर्श समेत प्रदान गर्ने उनले बताईन् ।

नेपालको संविधान–२०७२, राष्ट्रिय कानून तथा संयुक्त राष्ट्रसङ्घीय बालअधिकार सम्बन्धी महासन्धि–१९८९ अनुसार सबै बालबालिकाको बाँच्न पाउने, संरक्षण, विकास र सहभागी हुन पाउने अधिकार सुनिश्चित गरेकाले सोही प्रतिबद्घता अनुसार बालबालिकाको अधिकार सुनिश्चित गर्न परियोजना सञ्चालन गरिएको उनले प्रस्ट्याईन् ।

परियोजनामार्फत बालबालिकाहरुको नियमित पालन पोषण, स्तनपान, स्याहार, विकास, स्वास्थ्य तथा संरक्षणको बारेमा उनीहरुका अभिभावक र संरक्षकहरुलाई परामर्श सेवा प्रदान गर्दै आएको उनले जानकारी दिईन् । जस अनुसार बालबालिकालाई आवश्यक पोषणयुक्त खाना बनाउने तथा खुवाउने ज्ञान तथा सिप अभिवृद्धि गर्ने, उमेर अनुसार उत्प्रेरणा तथा अन्तरव्रिmया गर्ने सिप अभिवृद्धि गर्ने, बालबालिकालाई स्वास्थ्य, स्याहार र सरसफाई गर्ने सिप अभिवृद्धि गर्ने, बाल केन्द्रित व्रिmयाकलाप र खेल, खेलौनासहितको वातावरण उपलब्ध गर्न प्रतिबद्ध गराउनुका साथै अभिभावक भेला, दैनिक परामर्श, र केही अत्यावश्यक सामग्रीहरु पनि वितरण गरी बालबिकासमा टेवा पु¥याउने लक्ष्य लिई कार्य सम्पादन गर्दै आएको उनले बताईन् ।

संस्थाले आईतबारदेखि बिहिबारसम्म १० बजेदेखि ४ बजे सम्मको समयमा परामर्श दिने गरेको संस्थाका बरिष्ठ कार्यक्रम अधिकृत शमिका बस्नेतले जानकारी दिईन् । उनका अनुसार अभिभावकले सो समयमा आवश्यक परामर्श लिन सक्नेछन् । जसका लागि अग्रिम नामसमेत दर्ता गराउन सक्ने उनले बताईन् ।

कार्यक्रममा संस्थाका अध्यक्ष एकदेव देवकोटाको विशेष उपस्थिति रहेको थियो ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।