बेपत्ता भनिएका हायु परिवार फेवाताल घुम्दै, गरे ताल वाराही मन्दिरको दर्शन

पोखरा, साउन १३

सिन्धुलीको गोलञ्जोर गाउँपालिका–६ छेत्पाबाट बेपत्ता हायु परिवारले फेवाताल घुमघाम गरेका छन् । चार दिनदेखि वेपत्ता भएर खोजी भइरहेका उनीहरु हिजो साँझ पोखरा–३० गगनगौंडामा फेला परेका थिए । व्यापक खोजीपछि फेला परेका उनीहरुलाई ज्वाई नाता पर्ने आफन्त धनबहादुर तामाङको जिम्मा लगाइएको थियो ।

घरबाट हिंड्दा १६ जना भनिएपछि बिचमा थपिएर २२ जनाको समूह बनेको हायु परिवारले मंगलबार विहान फेवाताल घुमफिर गरेका हुन् । फेवाताल घुमफिरका क्रममा उनीहरुले फेवातालको बिच भागमा रहेका ताल वाराही मन्दिरको दर्शनसमेत गरे ।

ताल वाराही मन्दिरको दर्शन पश्चात उनीहरु ग.१ख.४५६८ नम्बरको लोकल बस चढेर फर्किएका थिए ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।