धेरै कर तिर्ने पोखरा ऊँ हस्पिटल र गोशली हाउसलाई पोखरा–९ को सम्मान

पोखरा, साउन १२

पोखरा महानगरपालिका वडा नम्बर–९ ले गत आर्थिक वर्षमा सबैभन्दा धेरै कर तिर्ने पोखरा ओम हस्पिटल र डाइग्नोष्टिक एण्ड रिसर्च सेन्टर प्रा.लि. र गोशली हाउसलाई सम्मान गरेको छ । आर्थिक वर्ष २०७९÷८० मा सबैभन्दा धेरै कर तिर्ने ओम हस्पिटल र गोशली हाउसलाई वडा कार्यालयले सम्मान पत्र र मायाको चिनो प्रदान गरेर सम्मान गरेको हो । कार्यक्रममा पोखरा–९ का वडाध्यक्ष दीपेन्द्र मर्सानी र पोखरा उद्योग वाणिज्य संघका अध्यक्ष पवनकुमार प्रजापतीले सम्मानित संस्था ओम हस्पिटलका अध्यक्ष डा.मुकुन्द आचार्य र गोशली हाउसका सञ्चालक शुशिलकुमार गोशलीलाई दोषल्ला ओढाएर सम्मान गर्नुका साथै सम्मान पत्र प्रदान गरेका थिए ।

कार्यक्रममा बोल्दै वडाध्यक्ष दीपेन्द्र मर्सानीले अन्यलाईपनि कर तिर्नका लागि प्रोत्साहित गर्न करदातालाई सम्मान गरिएको बताए । उनले राज्यले कर लिन मात्र होईन करदातालाई सम्मानपनि गर्न जानेको छ भन्ने देखाउन करदाताको कार्यालयमै पुगेर सम्मान गरेकोपनि उल्लेख गरे ।

पोखरा उद्योग वाणिज्य संघका अध्यक्ष पवनकुमार प्रजापतीले करदातालाई सम्मान गर्दा नव करदातामा उत्साह थपिने बताए । उनले करको दर नभई दायरा फराकिलो बनाउनुपर्ने तथा सबैलाई कर प्रणालीमा सहभागि गराउँदै लैजानुपर्ने बताए ।

सम्मानित संस्था ओम हस्पिटलका अध्यक्ष डा.मुकुन्द आचार्यले कर तिरेवापत सम्मान पाईन्छ भन्ने कुरा पहिलोपटक महशुष गरेको बताए । यसले स्थानिय सरकारको महशुष गराएको उनको भनाई थियो ।

अर्का सम्मानित संस्था गोशली हाउसका सञ्चालक सुशीलकुमार गोशलीले कर तिर्नु नागरिकको दायित्व भएको भन्दै यसलाई बोझको रुपमा नलिई कर्तव्यबोधका रुपमा लिएर तिर्नुपर्नेमा जोड दिए ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।