चुरोट सल्काउन खोज्दा घर जलेर खरानी, ४ घाईते

पोखराको पुरुञ्चौरमा आगलागि हुँदा एक घर जलेर नष्ट भएको छ भने ४ जना जलेर घाईते भएका छन् । पोखरा महानगरपालिका वडा नम्बर १० पुरुञ्चौरमा आगलागि हुँदा सीता गौतमको १ तले टिनको छानो भएको घर जलेर नष्ट भएको हो । सोहि घरमा भाडामा बसने गोरखा घर भएका शेरबहादुर गुरुङले चुरोट सल्काउने क्रममा आगलागि भएको गण्डकी प्रदेश प्रहरी कार्यालयले जनाएको छ । ग्यास लिक भएको अवस्थामा चुरोट सल्काउन खोज्दा आगलागि भएको प्रहरीले बताएको छ ।

आगलागिमा परेर ४ जना घाईते भएका छन् । घरमा आगो लाग्दा चुरोट सल्काउन खोज्ने शेरबहादुर गुरुङ, उनकी श्रीमती देउकुमारी गुरुङ, शेरबहादुरका छोरा १५ वर्षिय कृष्ण गुरुङ र भाई पर्नेको छोरा ३७ वर्षिय मनबहादुर गुरुङ जलेर घाईते भएका छन् । घाईते मध्ये शेरबहादुरको अवस्थामा मध्यम रहेको छ भने अन्यको अवस्था सामान्य रहेको प्रहरीले जनाएको छ । घाईते सबैको गण्डकी मेकिडल कलेज पोखरामा उपचार भइरहेको प्रदेश प्रहरीले जारी गरेको सूचनामा उल्लेख छ ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।