जिल्ला समन्वय समिति कास्कीले पोखराको बाराही घाटस्थित जग्गा,रत्न मन्दिर र हिमागृहको जग्गा लिजमा नदिन आग्रह गरेको छ ।
समितिको शुक्रबार सम्पन्न ५४ औँ बैठकले निर्णय गरे बमोजिम उक्त आग्रह गरेको हो । समन्वय प्रमुख लिलाधर पौडेलले पोखरा महानगरपालिका लगायत कास्की जिल्ला भित्र रहेका सरकारी तथा सार्बजनिक जग्गाको संरक्षण र सम्वर्धन गर्नु प्रत्येकको कर्तब्य भएको बताए । उनले ऐतिहासिक ,प्राकृतिक,पुरातात्विक र साँस्कृतिक सम्पदाको संरक्षण गर्नु हामी सबैको साझा दायित्व रहेको भन्दै, हालैका दिनहरूमा साँस्कृतिक सम्पदाको संरक्षण गर्नुको साटो उल्टै अतिक्रमण गर्ने भाडा वा लिजमा दिने र लिने कार्य प्रति जिसस कास्कीको गम्भीर ध्यानाकर्षण भएको उल्लेख गरे ।
नेपाल ट्रष्टको नाममा रहेको पोखराको बाराही घाटस्थित जग्गा,रत्न मन्दिर र हिमागृहको जग्गा फेवातालको सिमा मापदण्डभित्र समेत पर्ने भएकोमा नेपाल ट्रष्टले ३० बर्षे अबधी राखी लिजमा दिन गैरहेको भन्ने विभिन्न संचार माध्यममार्फत सार्बजनिक भएको समाचारप्रति गम्भीर ध्यानाकर्षण भएको हुँदा सो कार्य हुन् नदिन र ऐतिहासिक महत्वका जग्गा र सम्पदाको यथोचित संरक्षण र ब्यबस्थापन गर्न नेपाल सरकार ,प्रदेश सरकार र स्थानीय तहलाई अनुरोध गर्ने निर्णय गरिएको प्रमुख पौडेलले जानकारी दिए ।
बैठकले जिल्ला समन्वय समिति कास्कीको पाँच बर्षे कार्यकालको गतिविधि समेटेर स्मारिका प्रकाशन गर्ने निर्णय समेत गरेको जिल्ला समन्वय अधिकारी नवराज बरालले बताए ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
जिल्ला समन्वय समिति कास्कीले पोखराको बाराही घाटस्थित जग्गा,रत्न मन्दिर र हिमागृहको जग्गा…
