पोखरा । शुक्रबार कास्कीमा हालसम्मकै सर्वाधिकमा कोरोना संक्रमण पुष्टि भएको छ ।
विभिन्न प्रयोगशालाहरुमा गरिएको पिसिआर परीक्षणमा कास्कीका मात्रै ८५६ जनामा कोरोना भाइरस संक्रमण पुष्टि भएको गण्डकी प्रदेश स्वास्थ्य निर्देशनालय पोखराले जानकारी दिएको छ ।
जिल्लाका एक हजार ४४४ जनाको पिसिआर परीक्षणमा उनीहरुमा संक्रमण पुष्टि भएको हो ।
शुक्रबार थपिएका मध्य मादी गाउँपालिकाका ९, अन्नपूर्ण गाउँपालिकाका ४, रुपा गाउँपालिकाका ३ र माछापुच्छ्रे गाउँपालिकाका एक जना छन् भने बाँकी ८३९ जना पोखरा महानगरपालिकाका हुन् ।
पोखरामा अहिलेसम्मकै सर्वाधिक ८३९ जनामा कोरोना भाइरस संक्रमण पुष्टि ।
यो संगै जिल्लामा हालसम्म कोरोना संक्रमण पुष्टि हुनेको संख्या ११ हजार ८१५ पुगेको छ । जसमध्य ८ हजार ९४९ जना कोरोना संक्रमणमुक्त भएका छन् ।
यस्तै जिल्लामा दुई हजार ७२९ जना आइसोलेसनमा रहेको निर्देशनालयले जनाएको छ ।
पछिल्लो २४ घण्टामा कोरोना भाइरस संक्रमणबाट थप एक जनाको मृत्यु भएसंगै जिल्लामा १३७ जनाले संक्रमणबाट ज्यान गुमाएका छन् ।
यसअघि कास्कीमा बिहीबार २२१, बुधबार २९२, मंगलबार ३१०, सोमबार ४६ र आइतबार ३६८ जनामा कोरोना संक्रमण पुष्टि भएको थियो ।
शुक्रबार गण्डकी प्रदेशमा एक हजार ३९६ जनामा कोरोना भाइरस संक्रमण पुष्टि भएको छ भने ८६ जना कोरोना भाइरसमुक्त भएको निर्देशनालयद्वारा अध्यावधिक कोभिड–१९ सम्बन्धी विवरणमा जनाइएको छ ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, जेठ १३ पोखराको फिर्केखोलाको मापदण्ड मिचेर बनाइएका अवैध संरचनामध्ये बुधबारसम्म…
