पोखरा । गण्डकी प्रदेशमा हालसम्म १८ हजार ६ सय बढी कोरोना भाइरस संक्रमणमुक्त भएका छन् ।
पछिल्लो २४ घण्टामा विभिन्न जिल्लाका १४५ जना कोरोनामुक्त भएसंगै प्रदेशमा संक्रमणमुक्त हुनेको संख्या १८ हजार ६०४ पुगेको हो ।
गण्डकी प्रदेश स्वास्थ्य निर्देशनालयका अनुसार बिहीबार कास्कीका १०१ जना कोरोना भाइरस संक्रमणमुक्त भएका छन् । यस्तै नवलपरासी पूर्वका २९, स्याङ्जका ५, तनहुँका ४, लमजुङ र बाग्लुङका एक–एक जनाले विहीबार नै कोरोना जितेका छन् ।
यसअघि बुधबार गण्डकी प्रदेशका विभिन्न जिल्लाका २७४ जना कोरोना भाइरस संक्रमणमुक्त भएका थिए ।
अब प्रदेशमा सात हजार ३१ सक्रिय संक्रमित आइसोलेसनमा रहेको निर्देशनालयले बिहीबार अपरान्ह अध्यावधिक गराएको कोभिड–१९ सम्बन्धि विवरण मार्फत जनाएको छ ।
पछिल्लो दुई साता यता प्रदेशमा एक हजार ७९४ जना कोरोना संक्रमणमुक्त भएका छन् ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
तेस्रो संस्करणको नेपाल प्रिमियर लिग अन्तर्गत पोखरा एभेन्जर्सविरुद्ध विराटनगर किङ्सले चार विकेटको…
