माघ ७ पोखरा । पोखराको सिमलचौरस्थित जनप्रिय मावि २०४९ व्याजका भूपू विद्यार्थीको समुहले चापाकोट औसेलुचौरस्थित पञ्चकोसी आधारभूत विद्यालयलाई ५० हजार रुपैयाँ बराबरको शैक्षिक सामग्री सहयोग गरेको छ ।
समुहले कम्प्युटर सहित कापी, कलम, झोला लगायत सामग्री सहयोग गरेको हो । समुहका अध्यक्ष चन्द्र गिरीले विद्यालयका पूर्व शिक्षक कुलप्रसाद अधिकारी, व्यवस्थापन समितिका पूर्व अध्यक्ष यज्ञप्रसाद तिमिल्सीना लगायतलाई एक समारोहका विच उक्त सामग्री हस्तान्तरण गरे ।
सो अवसरमा बोल्दै अध्यक्ष गिरीले बिपन्न अवस्थामा रहेका विद्यालय तथा विद्यार्थीहरुलाई शैक्षिक सहयोग गर्ने उद्येश्यका साथ समुहको गठन गरिएको बताए । यसअघि पनि समुहले शैक्षिक सामग्री सहयोग कार्यक्रम गर्दै आएको उनले जनाए ।
विद्यालयका प्रधानाध्यापक गंगाधर चापागाईले समुहको यो सहयोग विद्यालय र विद्यार्थीका लागि ठूलो सहयोग भएको बताउँदै धन्यवाद ज्ञापन गरे ।
भूपू विद्यार्थी समुहको तर्फबाट समुहका सदस्यहरु टिकाराम पराजुली, अनिल कार्की, केशबबहादुर थापा, लगायतले समुहका गतिविधीबारे प्रकास पारेका थिए । विद्यालयका शिक्षिका दिलमाया तिमिल्सीनाले स्वागत मन्तव्य राखेकि थिइन् ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
तेस्रो संस्करणको नेपाल प्रिमियर लिग अन्तर्गत पोखरा एभेन्जर्सविरुद्ध विराटनगर किङ्सले चार विकेटको…
