राष्ट्रपतिले सर्वसाधारणलाई लगाई दिदै गरेको तस्बिर (फाईल तस्बिर)
विश्वव्यापी महामारीका रुपमा फैलिएको नोभल कोरोना भाईरस (कोभिड–१९) को प्रभाव दशैंको टीकामा पनि परेको छ । आम नेपालीले घर भित्रै सिमित भएरै दशैंको टीका लगाएका छन् भने देशका उच्च पदमा रहेका राष्ट्रपति, प्रधानमन्त्री, पूर्व राजालगायत सबैले टीकालाई घर परिवारमै सिमित गरेका छन् ।
कोरोना कहरका कारण यसअघी सर्वसाधारणलाई टीका लगाई दिने गरेका राष्ट्रपति विद्यादेवी भण्डारीले यसपटक सर्वसाधारणलाई टीका लगाई दिईनन् । उनले यस पटक आफूले गुरु र आमाको हातबाट टीका लगाईन् । शुरुमा बिजयादशमीको मूख्य साईत १० बजेर १९ मिनेटमा उनले गुरु खेमचन्द्र ढकालबाट टीका ग्रहण गरेकी थिईन् । त्यसपछि मात्रै उनले आफ्नी आमा मिथिला पाण्डेको हातबाट टीका ग्रहण गरिन् । आफूले टीका लगाईसकेपछि बल्ल राष्ट्रपति भण्डारीले आफ्ना छोरी तथा ज्वाईंहरुलाई टीका लगाई दिएकी थिईन् । कोरोना कहरका कारण सर्वसाधारणलाई भने टीका लगाई दिने कार्यक्रम स्थगित गरिएको राष्ट्रपति कार्यालय शितल निवासले जनाएको छ ।
त्यस्तै प्रधानमन्त्री केपी शर्मा ओलीलेपनि आज आफ्ना बृद्ध बुबाको हातबाट टीका ग्रहण गरे । यसअघीका वर्षहरुमा आफूले टीका ग्रहण गरिसकेपछि आफ्नो हातबाट टीका ग्रहण गर्न आएकालाई प्रधानमन्त्री ओलीले टीका लगाई दिने गरेका थिए । उनकोमा पार्टीका कार्यकर्ताहरु टीका लगाउन जान्थे । उनलाई केहिले ‘बा’ भनेर सम्बोधन गर्छन् भने उनीहरु हरेक वर्ष ओलीको हातबाट टीका थाप्न प्रधानमन्त्री निवास जान्थे । तर यस वर्ष कोरोनाका कारण टीका लगाउने कार्यक्रम नरहेको प्रधानमन्त्री निकट श्रोतले बताएको छ ।
उसो त पूर्व राजा ज्ञारेन्द्र शाहलेपनि राजा हुँदाजसरी नै पछिल्ला वर्षहरुमापनि सर्वसाधारणलाई टीका लगाईदिने गर्दथे । राप्रपा तथा पूर्व पञ्चहरु उनको हातबाट टीका ग्रहण गर्न जान्थे । टीकाको दिन उनकोमा टीका लगाउनेको बाक्लै भीड हुन्थ्यो । कतिपयले यहि मौका छोपेर राजा आउ देश बचाउ’ भन्दै नाराबाजीसमेत गर्थे । तर यसपटक कोरोना कहरले यो मौका खेर गएको छ । अर्थात पूर्व राजा ज्ञानेन्द्र शाहलेपनि यसपटक सर्वसाधारणलाई टीका लगाउने कार्यक्रम स्थगित गरेका छन् ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखरा, असार १३ — पोखरा महानगरपालिका–३१ स्थित श्री कोटदेउराली बहुउद्देश्यीय सहकारी संस्था…
